Samsung Galaxy S20 FE üçün Android 13-ün stabil versiyası istifadəyə verilib

    Samsung şirkəti öz smartfonlarını Android 13-ə kimi yeniləməyə davam edir. Bu dəfə Android 13-ün stabil versiyası Samsung Galaxy S20 FE flaqman smartfonu üçün istifadəyə verilib. Qeyd etmək lazımdır ki, ilk növbədə Android 13-ü bu smartfonun Exynos 990 prosessoru vasitəsilə çalışan versiyası əldə edib. Snapdragon prosessoru vasitəsilə çalışan Galaxy S20 FE modeli isə Android 13-ü daha sonra əldə edəcək. Sözügedən smartfon üçün təqdim edilmiş Android 13 yenilənməsi 2 GB həcmindədir və o özündə yeni OneUI 5.0 istifadəçi interfeysi ilə Google şirkətinin bu ay üçün nəzərdə tutulmuş təhlükəsizlik yenilənməsini birləşdirir.