Hal hazırda istifadəçilər səbrsizliklə Xiaomi-nin MIUI 15 istifadəçi interfeysini gözləyirlər. Lakin sözügedən istifadəçi interfeysi tamamilə fərqli ad ilə təqdim oluna bilər. Belə ki, Digital Chat Station ləqəbli məşhur insayderin vermiş olduğu məlumata əsasən hal hazırda aktual olan MIUI 14 istifadəçi interfeysi şirkətin bu ad ilə istifadəyə verilmiş son istifadəçi interfeysi olacaq. Bununla belə şirkət öz istifadəçi interfeysindən imtina etmək niyyətində deyil. Məlumatda qeyd edilib ki, şirkət sadəcə olaraq MiOS brendinə keçid edəcək. Beləliklə MIUI-ni MiOS əvəz edəcək. Qeyd etmək lazımdır ki, şirkət mios.cn domenini artıq Çinin müvafiq orqanında qeydiyyatdan keçirib.