Xiaomi sentyabr ayında 6 smartfonu üçün MIUI 14 Beta-nın hazırlanmasını dayandıracaq

    Xiaomi şirkəti bu ilin üçüncü rübünün sonunda (sentyabr) öz 6 smartfonu üçün MIUI 14 istifadəçi interfeysinin beta versiyalarının hazırlanmasını dayandıracaq. Siyahıda olan 6 smartfonun yarısı 2020-ci ildə satışa çıxmış flaqman smartfonlardır. Beləliklə şirkət Xiaomi Mi 11, Mi 11 Pro, Mi 11 Ultra, Redmi Note 11T Pro, Redmi Note 11T Pro+ və Redmi K40S smartfonları üçün MIUI 14 Beta-nı hazırlamağı dayandıracaq. MIUI 14 Beta-nın sözügedən smartfonlar üçün dayandırılması istifadəçi interfeysinin stabil versiyasının onlar üçün təqdim edilməyəcəyi demək deyil. Şirkət sözügedən smartfonlarda təhlükəsizlik yenilənmələrini təqdim etməyə davam edəcək.