Gmail hesablarına süni zəka əsaslı fişinq hücumları edilir

     Son zamanlar Gmail istifadəçiləri daha mürəkkəb fişinq (phishing) hücumları ilə qarşılaşır. Bu vəziyyət ABŞ Federal Təhqiqatlar Bürosunun (FBI) Gmail istifadəçiləri üçün ciddi xəbərdarlıq etməsinə səbəb olub. FBI istifadəçilərə tanımadıqları e-poçtlardakı və ya mesajlardakı hər hansı linkə və ya fayla klik etməməyi tövsiyə edir. Hazırda kibercinayətkarlar süni zəka əsaslı alətlərdən istifadə edərək inandırıcı fişinq kampaniyaları yaradırlar. Bu üsullar təhlükəsizlik filtrlərini aşaraq istifadəçiləri aldatmaq qabiliyyətinə malikdir.

     Risklər həmişəkindən daha yüksəkdir. Gmail hesabları əsas hədəf olaraq qalır, çünki onlar Google-un bir çox xidmətinə giriş imkanını verir. Hoxhunt-un son hesabatında fişinq hücumlarının sayında 49% artım qeydə alındığı vurğulanır. Süni zəka vasitəsilə yaradılan fişinq hücumları artıq ümumi fişinq cəhdlərinin 4.7%-ni təşkil edir. Kibercinayətkarlar avtomatlaşdırılmış alətlərdən istifadə edərək daha inandırıcı mesajlar yaradırlar.

     Kibertəhlükəsizlik mütəxəssisləri xəbərdarlıq edirlər ki, süni zəka sosial mühəndislik taktikalarının yeni dalğasını gücləndirir və hakerlərin qurbanlarını aldatmasını asanlaşdırır. Əsas təhlükələr: Süni zəka əsaslı hücumların ucuz və əlçatan olması, hakerlərin cəmi 5$-a effektiv fişinq sxemləri yarada bilmələri, həm fərdi şəxslərin, həm də şirkətlərin hədəfə alınması. Fişinq hücumlarından qorunmaq üçün FBI və Google aşağıdakı tədbirləri tövsiyə edir:

- Naməlum e-poçtlardakı və ya mesajlardakı linklərə keçid etməyin və naməlum faylları yükləməyin

- Veb-saytın həqiqiliyindən əmin olmadan şəxsi məlumatlarınızı daxil etməyin

- Yalnız etibarlı saytlarda avtomatik giriş üçün parol menecerindən istifadə edin

- Hesablarınızı mütəmadi olaraq yoxlayın və icazəsiz giriş və ya məlumat sızması əlamətlərini izləyin

- Təhlükəsizlik bildirişlərini yoxlamaq üçün birbaşa Google hesabınızın səhifəsinə daxil olun – e-poçtlardakı linklərə klik etməyin.

Mənbə: Forbes

Bənzər xəbərlər

Süni İntellekt

OpenAI öz süni zəka çipinin istehsalına artıq bu il start verə bilər

Süni zəka sahəsində aparıcı şirkət olan OpenAI, NVIDIA istehsalı olan süni zəka sürətləndiricilərindən asılılığını azaltmaq üçün ciddi səylər göstərir. Açıqlandığına görə, OpenAI qarşıdakı bir neçə ay ərzində öz çipinin hazırlanmasını başa çatdırmağı və onu TSMC şirkətinin zavodlarında ən qabaqcıl texnoloji proseslərdən istifadə edərək istehsal etməyi planlaşdırır.

Süni İntellekt

Sam Altman: "Süni zəka məhsulları ucuzlaşdıracaq, lakin bərabərsizlikdən xilas etməyəcək"

OpenAI şirkətinin CEO-su Sam Altman yeni essedə bildirib ki, şirkət süni zəkanı hər kəs üçün əlçatan etmək məqsədilə genişmiqyaslı investisiyalara və təcrübi yanaşmalara hazırdır. O, bir daha vurğulayıb ki, tezliklə ümumi süni zəka (AGI) ortaya çıxacaq və bu, iqtisadiyyatı köklü şəkildə dəyişəcək, elmi tərəqqini sürətləndirəcək və bir çox məhsulların qiymətini azaldacaq.

Süni İntellekt

OpenAI 14 milyon dollara Super Bowl-da süni zəka reklamını sərgiləyib (VİDEO)

OpenAI ilk dəfə Super Bowl arenaya çıxdı və 60 saniyəlik reklam çarxı üçün 14 milyon dollar xərclədi. Bu reklam çarxı süni zəkanı insanlığın ən böyük texnoloji nailiyyətlərinin məntiqi davamı kimi təqdim edir.

Süni İntellekt

Səudiyyə Ərəbistanı süni zəka sahəsinə 14.9 milyard dollarlıq investisiyanı elan edib

Səudiyyə Ərəbistanında LEAP 2025 texnologiya sərgisi başlayıb. OneArabia-nın məlumatına görə, Səudiyyə Ərəbistanının rabitə və informasiya texnologiyaları naziri Abdullah Alswaha ölkənin süni zəka sektoruna müxtəlif ölkələrin şirkətləri tərəfindən 14.9 milyard dollar həcmində investisiya yatırılacağını elan edib.

Təhlükəsizlik

Google reCAPTCHA izləmə alətinə çevrilib (VİDEO)

reCAPTCHA sistemi, əvvəlcə veb resursları avtomatik hücumlardan qorumaq üçün yaradılmışdı, lakin zamanla o bu funksiyasını itirərək kütləvi istifadəçi izləmə vasitəsinə çevrildi.