Büdcəli Redmi Band 3 smart qolbağının təqdimatı anons edilib

     Xiaomi sabah Çində keçirəcəyi təqdimat tədbiri çərçivəsində Xiaomi 15 smartfonlarını, Xiaomi Pad 7 planşetlərini, Watch S4 smart saatını və Smart Band 9 Pro qolbağını təqdim edəcək. Lakin sabahkı tədbirdə Redmi brendi də seçiləcək. Belə ki, Xiaomi şirkəti rəsmi şəkildə elan edib ki, sabahkı tədbirdə  büdcəli Redmi Band 3 smart qolbağı təqdim olunacaq. Şirkət paylaşmış olduğu poster vasitəsilə bu yeni smart qolbağın xarici görünüşünü sərgiləyib. Poster üzərində olan məlumata əsasən Redmi Band 3 qolbağı 60 Hz-lik təsvir yenilənməsinə sahib ekranla təchiz olunacaq. Bununla yanaşı posterdə qeyd edilib ki, smart qolbaq bir dəfə şarj olunandan sonra 18 gün ərzində çalışmağa imkan verəcək batareyaya sahib olacaq.