Honor Magic 6 smartfon seriyasının təqdimatı rəsmi şəkildə anons edilib

     Son bir neçə ay ərzində olmuş müxtəlif məlumat sızıntılarından sonra Honor şirkəti Honor Magic 6 smartfon seriyasının təqdimatını anons edib. Beləliklə şirkət tərəfindən təqdim edilmiş rəsmi posterə əsasən Honor Magic 6 smartfon seriyası 10 yanvar tarixində Çində təqdim olunacaq. Honor Magic 6 smartfonları ilə yanaşı şirkət həmçinin MagicOS 8.0 istifadəçi interfeysini də təqdim edəcək. Qeyd etmək lazımdır ki, Honor Magic 6 smartfon seriyasına minimum 4 modelin daxil olacağı gözlənilir. Onlardan biri isə Porsche Design komandası ilə birgə hazırlanmış xüsusi model olmalıdır.