Honor Magic 7 RSR Porsche Design-ın kameraları barəsində məlumatlar açıqlanıb

     Honor şirkəti bir neçə müddət bundan öncə Honor Magic 7 smartfon seriyasını təqdim etdi. Bu seriyaya iki model daxil oldu. Honor Magic 7 və Magic 7 Pro. Lakin daha sonra Honor rəsmi şəkildə təsdiqlədi ki, Honor Magic 7 seriyasına daha bir model daxil olacaq. Söhbət, Honor Magic 7 RSR Porsche Design adlı premium modeldən gedir. İndi isə Digital Chat Station ləqəbli məşhur insayder öz növbəsində Honor Magic 7 RSR Porsche Design barəsində bəzi təfərrüatları təqdim edib.

     Beləliklə insayderin sözlərinə əsasən sözügedən premium model dəyişkən diafraqmalı 50 MP-lik əsas arxa kameranı əldə edəcək. Məlumatda qeyd edilib ki, smartfon həmçinin özündə 200 MP-lik periskop teleobyektivi və 50 MP-lik ultra geniş bucaqlı obyektivi birləşdirəcək. Smartfonun həmçinin Snapdragon 8 Elite prosessoru vasitəsilə çalışacağı gözlənilir. Honor Magic 7 RSR Porsche Design bu ilin sonuna kimi təqdim olunmalıdır. Çox güman ki, smartfon artıq gələn ay təqdim olunacaq.