Honor Pad 9 planşetinin texniki göstəriciləri açıqlanıb
Honor şirkəti 21 dekabr tarixində növbəti təqdimat tədbirini keçirəcək. Baş tutacaq təqdimat tədbirində şirkət Honor 90 GT smartfonu ilə yanaşı üstəlik Honor Pad 9 planşetini də təqdim edəcək. Təqdimata az müddət qalmış şirkətin bu yeni planşetinin texniki imkanları barəsində məlumatlar ortaya çıxıb. Beləliklə ortaya çıxmış məlumatlara əsasən Honor Pad 9 planşeti 12.1 düym ekranla təchiz olunacaq. Üstəlik ekran xüsusi şüşə ilə əhatə olunacaq və həmin şüşə əks olunan işığın 98%-ni aradan qaldıracaq. Məlumatda qeyd edilib ki, planşet Snapdragon 6 Gen 1 prosessoru vasitəsilə çalışacaq. Bundan əlavə olaraq planşet özündə 12 GB RAM-ı, 512 GB-a kimi daxili yaddaş həcmini, 13 MP-lik arxa kameranı və 35 vatt gücündə sürətli şarj texnologiyalı 8300 mAh enerji tutumlu batareyanı birləşdirməlidir.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
