main-post-cover

    Honor qlobal bazarda Honor X7b smartfonunu təqdim edib - QİYMƏTİ

    Cihazlar+
    01.12.2023
    Emil Nəcəfov
         Honor şirkəti qlobal bazarda Honor X7b adlı yeni smartfonunu təqdim edib. Bu yeni smartfonun üstünlükləri arasında böyük ölçülü ekran, böyük həcmli batareya və 108 MP-lik əsas arxa kamera var. Beləliklə Honor X7b smartfonu 90 Hz-lik təsvir yenilənməsinə sahib Full HD+ keyfiyyətli 6.8 düym LCD ekranla təchiz olunub. Əsas texniki göstəricilərə gəldikdə isə smartfon Snapdragon 680 (yalnız 4G dəstəkli) prosessoru, 6/8 GB RAM, 128/256 GB daxili yaddaş həcmi (microSD dəstəkli), 108 MP + 5 MP + 2 MP üçlü arxa kamera, 8 MP-lik ön kamera və 25 vatt gücündə sürətli şarj texnologiyalı 6000 mAh enerji tutumlu batareya ilə təchiz olunub. Smartfon Android 13 vasitəsilə çalışır. Honor X7b artıq satışa çıxıb və onun qiyməti 250$-dan start götürür.
    Linki kopyala