
Honor X7b 5G smartfonu təqdim edilib
Cihazlar+
04.04.2024
Sabina
Keçən il Honor şirkəti qlobal bazarda Honor X7b 4G smartfonunu təqdim etmişdi. İndi isə şirkət həmin smartfonun 5G versiyasını təqdim edib. Smartfonun 5G versiyası xarici görünüşcə 4G versiyadan heç də fərqlənmir. Beləliklə Honor X7b 5G smartfonu 90 Hz-lik təsvir yenilənməsinə sahib Full HD+ keyfiyyətli 6.8 düym yastı LCD ekranla təchiz olunub. Barmaq izi skanı texnologiyası yandırıb/söndürmə düyməsinə inteqrasiya edilib. Üstəlik smartfon stereo səsgücləndiricilərə və naqilli qulaqlıqlar üçün nəzərdə tutulmuş 3.5 mm-lik audiogirişə sahibdir.

Smartfon MediaTek Dimensity 6020 prosessoru vasitəsilə çalışır və özündə 8 GB RAM ilə 256 GB (microSD dəstəkli) daxili yaddaş həcmini birləşdirir. Kameralar mövzusunda Honor X7b 5G 108 MP + 2 MP ikili arxa kameranı və 8 MP-lik ön kameranı əldə edib. Batareyaya gəldikdə isə smartfon 35 vatt gücündə sürətli şarj texnologiyalı 6000 mAh enerji tutumlu batareyaya sahibdir. Smartfon qutudan Android 13 vasitəsilə çalışır. Honor X7b 5G-nin nə zaman satışa çıxacağı və hansı qiymətə satılacağı barəsində məlumat verilməyib.
Paylaş
Ən çox oxunanlar

ABŞ ordusu zirehli texnika əvəzinə dronlara üstünlük verəcək
