Keçən həftə Huawei şirkəti Mate 60 və Mate 60 Pro smartfonlarını təqdim etdi. Lakin bir neçə gün sonra məlumat ortaya çıxdı ki, şirkət Mate 60 seriyasının daha bir modeli üzərində çalışır. Söhbət, Mate 60 Pro+ smartfonundan gedir. İndi isə Mate 60 Pro+ modelinin bəzi texniki göstəriciləri ortaya çıxıb. Beləliklə ortaya çıxmış məlumata əsasən Mate 60 Pro+ smartfonunun baza versiyası 16 GB RAM-a və 512 GB daxili yaddaş həcminə sahib olacaq.

    Smartfonun ən bahalı versiyası isə eyni RAM yaddaşına və 1 TB daxili yaddaş həcminə sahib olacaq. Məlumatda qeyd edilib ki, Mate 60 Pro+ modelinin Çində qiyməti 1230$-dan start götürəcək. Təəssüflər olsun ki, smartfon barəsində digər bir məlumat yoxdur. Mate 60 Pro+ smartfonunun yaxın zamanda təqdim olunacağı gözlənilir. Onun qlobal bazarda satılıb-satılmayacağı da aydın deyil.