Huawei Pura 70 smartfon seriyasının qlobal bazarda satışı elan edilib

     Huawei şirkəti keçən ay Çində Pura 70 smartfon seriyasını təqdim etdi. Bu seriyaya 4 model daxil oldu. Huawei Pura 70, Pura 70 Pro, Pura 70 Pro+ və Pura 70 Ultra. İndi isə Huawei Pura 70 smartfon seriyasının qlobal bazarda satışa çıxacağını anons edib. Beləliklə rəsmi məlumata əsasən qlobal bazarda bu seriyanın 3 modeli satışa çıxacaq. Söhbət, Huawei Pura 70, Pura 70 Pro və Pura 70 Ultra modellərindən gedir. Huawei Pura 70 Pro+ modeli isə eksklüziv olaraq Çin bazarı üçün qalacaq. Şirkət qlobal bazarda smartfonların hansı göstəricidə RAM və daxili yaddaş həcminə, o cümlədən hansı gövdə rənglərinə sahib olacaqlarını açıqlayıb. Beləliklə Huawei Pura 70 modeli qlobal bazarda 12 GB RAM-a və 256 GB daxili yaddaş həcminə sahib olacaq.

     O, ağ, qara və çəhrayı gövdə rənglərində satışa çıxacaq və onun qiyməti 775$ təşkil edəcək. Huawei Pura 70 Pro modeli qlobal bazarda 12 GB RAM-a və 512 GB daxili yaddaş həcminə sahib olacaq. O, ağ və qara gövdə rənglərində satışa çıxacaq və onun qiyməti 1079$ təşkil edəcək. Huawei Pura 70 Ultra modelinə gəldikdə isə o, qlobal bazarda 16 GB RAM-a və 512 GB daxili yaddaş həcminə sahib olacaq. O, yaşıl, qara və qəhvəyi gövdə rənglərində satışa çıxacaq və onun qiyməti 1380$ təşkil edəcək. Bu smartfonların qlobal versiyaları texniki göstəricilər baxımından Çində satılan versiyalardan heç də fərqlənmirlər. Şirkət bildirib ki, smartfonlar qlobal bazarda bu ay ərzində satışa çıxacaqlar.

Bənzər xəbərlər

Cihazlar+

Təqdimata hazırlaşan Huawei Watch Fit 3 smart saatının əsas özəllikləri açıqlanıb

Huawei şirkəti dünən qlobal bazarda yeni cihazlarının təqdimatlarını anons etdi. Şirkət öz yeni cihazlarını qlobal bazarda 7 may tarixində təqdim edəcək.

Elm & Texnologiya

Huawei kompüterlər üçün nəzərdə tutulmuş yeni Kirin prosessoru üzərində çalışır

ABŞ tərəfindən olan sanksiyalara baxmayaraq Huawei şirkəti öz smartfonları üçün nəzərdə tutulmuş Kirin prosessorlarını hazırlamağa davam edir. Ortaya çıxmış yeni məlumata əsasən şirkət kompüterlər üçün nəzərdə tutulmuş yeni Kirin prosessoru üzərində çalışır.

Cihazlar+

Huawei qlobal bazar üçün yeni cihazlarının təqdimatlarını anons edib

Huawei şirkəti qlobal bazarda öz yeni cihazlarının təqdimatlarını anons edib.

Cihazlar+

Huawei nova 13 Pro və nova 13 Ultra smartfonlarının bəzi özəllikləri açıqlanıb

Huawei şirkəti hal-hazırda nova 13 smartfon seriyası üzərində çalışır. Bu seriyaya daxil olacaq modellər arasında nova 13 Pro və nova 13 Ultra olacaqlar.

Tech-Biznes

Honor Çinin smartfon bazarının liderinə çevrilib

International Data Corporation (IDC) şirkətinin analitikləri 2024-cü ilin birinci rübü üzrə Çinin smartfonlar bazarının göstəricilərini qiymətləndiriblər.