Məşhur insayder REDMI K80 Ultra barəsində yeni məlumatlar verib
Cihazlar+
21.02.2025
Emil
REDMI brendi yeni flaqman modeli K80 Ultra üzərində çalışır və əvvəlki məlumatlara görə, bu cihaz 6500 mAh enerji tutumlu batareya ilə təchiz ediləcəkdi. Lakin Çindən yayılan yeni şayiələrə əsasən, REDMI K80 Ultra 7400-7500 mAh arasında batareya tutumuna malik ola bilər. Bu artım, cihazda silisium-karbon texnologiyasının istifadəsi sayəsində mümkün olacaq. Bu məlumatı Digital Chat Station ləqəbli məşhur insayder açıqlayıb və əlavə edib ki, REDMI K80 Ultra smartfonu 100 vat gücündə sürətli şarj texnologiyasını dəstəkləyəcək.
Bundan əlavə, smartfonun MediaTek-in hələ təqdim edilməmiş Dimensity 9400+ prosessoru vasitəsilə çalışacağı, 1.5K keyfiyyətli 6.8 düym ölçülü OLED ekranı əldə edəcəyi və ekran ətrafı simmetrik incə çərçivələrə sahib olacağı bildirilir. Cihaz həmçinin metal gövdəyə və arxa panelin yuxarı sol küncündə yerləşdirilmiş dairəvi kamera sahəsinə sahib olacaq. Əvvəlki şayiələrə görə, K80 Ultra-nın gövdəsi IP68 standartı üzrə suya və toza davamlı olacaq. Ötən il REDMI K70 Ultra smartfonu iyul ayında təqdim edildiyi üçün, K80 Ultra-nın da 2025-ci ilin eyni dövründə təqdim ediləcəyi gözlənilir.
Mənbə: Digital Chat Station
Paylaş
Bənzər xəbərlər
Cihazlar+
Statistika: Alıcıların çoxu premium smartfonlara üstünlük verməyə başlayıb
2024-cü ildə dünya üzrə satılmış smartfonların təxminən 25%-i 600$ və daha yüksək orta topdan satış qiymətinə malik olub. Counterpoint Research-ün yeni məlumatları göstərir ki, premium cihazlara tələbat artır və getdikcə daha çox insan bahalı smartfonlar almağa üstünlük verir.
Nəqliyyat
Xiaomi YU7 820 km yürüş məsafəsini təmin edə biləcək
Xiaomi YU7 elektrik krossoverinin ilk xüsusiyyətləri Çinin tənzimləyici orqanının bazasında qeyd edildikdə, avtomobilin ölçüləri, çəkisi, maksimal sürəti və güc qurğusunun performansı haqqında məlumatlar mövcud idi.
Proqram Təminatı
DeepSeek-in süni zəka modeli Xiaomi HyperOS-ə inteqrasiya ediləcək
Xiaomi şirkəti DeepSeek AI modelini HyperOS sisteminə inteqrasiya etməyə hazırlaşır. Bu da istifadəçilərə yeni imkanlar təqdim edəcək.
Cihazlar+
Xiaomi 15-in qlobal versiyasının təqdimatı anons edilib
Xiaomi keçən ilin oktyabr ayında Çində Xiaomi 15 və Xiaomi 15 Pro smartfonlarını təqdim etmişdi. İndi isə şirkət Xiaomi 15 seriyasının qlobal versiyasının təqdimatına hazırlaşır.
Cihazlar+
REDMI K80 Ultra barəsində yeni təfərrüatlar təqdim edilib
Xiaomi-nin REDMI brendi yaxın zamanda REDMI K80 Ultra smartfonunu təqdim etməlidir. Qeyd etmək lazımdır ki, REDMI K80 və K80 Pro modelləri keçən ilin sonunda təqdim edilib.
Ən çox oxunanlar
iPhone 16e təqdim edilib - QİYMƏTİ
