Nothing-in CMF brendinin yeni smartfonunun adı və təqdimat tarixi elan edilib

     Nothing şirkətinin CMF adlı brendi hələ təqdim olunmamış yeni smartfonuynun ilk tizerini keçən həftə paylaşdı. İndi isə Nothing şirkəti rəsmi şəkildə CMF-nın yeni smartfonunun nə zaman təqdim olunacağını açıqlayıb. Üstəlik smartfonun necə adlanacağı da məlum olub. Daha öncə güman olunurdu ki, CMF-nın yeni smartfonu CMF Phone 2 adını əldə edəcək. Lakin Nothing-in anonsundan da görmək olar ki, brendin növbəti smartfonu CMF Phone 2 Pro adlanacaq. Şirkət tərəfindən təqdim olunmuş posterdə qeyd edilmiş məlumata əsasən CMF Phone 2 Pro smartfonu 28 aprel tarixində təqdim olunacaq. Smartfonun texniki imkanları barəsində ətraflı məlumat yoxdur. Lakin posterdəki dairələrdən belə qənaətə gəlmək olar ki, CMF Phone 2 Pro özündə üçlü arxa kameranı birləşdirəcək.