Nvidia RTX 50 seriyası üçün PhysX dəstəyini geri qaytarıb

    Technote.az “The Verge” platformasına istinadən bildirir ki, Nvidia bu ilin əvvəlində satışa çıxardığı RTX 50 seriyalı videokartlarını PhysX dəstəyi olmadan təqdim etmişdi. Bu isə Borderlands 2 və Mirror’s Edge kimi klassik oyunlarda realistik şüşə qırılması, tüstü, duman və digər fiziki effektlərin düzgün işləməsinə mane olurdu. Səbəb isə yeni kartlarda 32-bit CUDA dəstəyinin olmadığı üçün köhnə PhysX əsaslı oyunların yalnız prosessor vasitəsilə işləməsiydi ki, bu da performansın 60 kadrın altına düşməsinə səbəb olurdu.

    İndi isə Nvidia istifadəçi rəylərini nəzərə alaraq RTX 50 seriyası üçün “xüsusi PhysX dəstəyi” əlavə edib. Bununla top oynanan PhysX oyunları artıq yeni kartlarda tam performansla çalışacaq. Hazırda dəstəklənən oyunlar bunlardır:

    •    Alice: Madness Returns
    •    Assassin’s Creed IV: Black Flag
    •    Batman: Arkham City
    •    Batman: Arkham Origins
    •    Borderlands 2
    •    Mafia II
    •    Metro 2033
    •    Metro: Last Light
    •    Mirror’s Edge