OnePlus Nord 3 5G Geekbench testlərindən keçib

    Məlumdur ki, OnePlus hal hazırda OnePlus Nord 3 5G smartfonu üzərində çalışır. İndi isə məlum olub ki, sözügedən smartfon Geekbench testlərindən keçib. Geekbench-dəki məlumatlara əsasən OnePlus Nord 3 5G smartfonu MediaTek Dimensity 9000 prosessoru vasitəsilə çalışacaq və 16 GB-a kimi RAM yaddaşını əldə edəcək. Bununla yanaşı smartfon Android 13 əməliyyat sisteminə sahib olacaq. OnePlus Nord 3 5G Geekbench-in bir nüvəli testi çərçivəsində 791 xal, çox nüvəli testi çərçivəsində isə 1806 xal toplayıb. Daha öncəki məlumat sızıntılarına əsasən smartfon özündə 120 Hz-lik təsvir yenilənməsinə sahib 1.5K keyfiyyətli 6.74 düym AMOLED ekran ilə 80 vatt gücündə sürətli şarj texnologiyasına sahib 5000 mAh enerji tutumlu batareyanı birləşdirməlidir. OnePlus Nord 3 5G-nin təqdimatı ya bu ay ya da gələn ay baş tutacaq.