Orta büdcəli Honor X60 GT smartfonu təqdim olunub - QİYMƏTİ

     Honor şirkəti Honor X60 GT adlı yeni orta büdcəli smartfonunu təqdim edib. Bu yeni smartfon böyük ölçülü ekranı, 2022-ci ilin flaqman Snapdragon prosessorunu və böyük həcmli batareyanı əldə edib. Beləliklə Honor X60 GT smartfonu 120 Hz-lik təsvir yenilənməsinə sahib 2664x1200 piksel keyfiyyətli 6.7 düym ölçülü AMOLED ekranla təchiz olunub. Ekranın maksimal parlaqlıq səviyyəsi 5000 nit təşkil edir. Barmaq izi skanı texnologiyası da birbaşa ekrana inteqrasiya edilib.

     Üstəlik Honor X60 GT-nin gövdəsi IP65 standartı üzrə tozdan və su damcılarından qorunma özəlliyinə sahibdir. Smartfon Snapdragon 8+ Gen 1 prosessoru vasitəsilə çalışır və 12/16 GB RAM ilə 256/512 GB daxili yaddaş həcmini əldə edib. Kameralar mövzusunda Honor X60 GT özündə 50 MP + 2 MP ikili arxa kameranı və 16 MP-lik ön kameranı birləşdirir. Batareyaya gəldikdə isə smartfon 80 vatt gücündə sürətli şarj texnologiyalı 6300 mAh enerji tutumlu batareya ilə təchiz olunub. Honor X60 GT artıq Çində satışa çıxıb və onun qiyməti 246$-dan start götürür. Smartfonun digər regionlarda satışa çıxıb-çıxmayacağı bilinmir.

Mənbə: GSMarena

Bənzər xəbərlər

Cihazlar+

Təqdimatdan 1 gün qabaq Honor GT Pro-nun prosessoru və batareya həcmi rəsmi şəkildə açıqlanıb

Honor şirkəti artıq sabah Honor GT Pro adlı yeni flaqman smartfonunu təqdim edəcək. Qeyd etmək lazımdır ki, Honor GT modeli keçən ilin dekabr ayında təqdim olunmuşdu.

Cihazlar+

Honor 400 və 400 Pro-nun fotoları ilə texniki imkanları təqdim edilib

2025-ci ilin aprel ayının əvvəlində HONOR 400 Lite modelini təqdim etmiş Honor şirkəti, qısa müddət ərzində Honor 400 və Honor 400 Pro smartfon modellərini qlobal bazara çıxarmağa hazırlaşır.

Cihazlar+

Honor Tablet GT planşetinin təqdimatı anons edilib

Honor şirkəti yeni planşetinin təqdimatını anons edib. Söhbət, Honor Tablet GT-dən gedir.

Cihazlar+

Honor GT Pro-nun təqdimatı rəsmi şəkildə anons edilib

Honor şirkəti keçən ilin dekabr ayının ortasında Honor GT smartfonunu təqdim etmişdi. İndi isə şirkət Honor GT Pro smartfonunu təqdim etməyə hazırlaşır.

Cihazlar+

8000 mAh-lıq batareyaya sahib Honor Power smartfonu təqdim edilib - QİYMƏTİ

Honor şirkəti olduqca böyük həcmli batareyası ilə seçilən yeni smartfonunu təqdim edib. Söhbət, Honor Power-dən gedir. Honor-un sözügedən yeni smartfonu böyük həcmli batareya ilə yanaşı böyük ölçülü ekranı və Snapdragon prosessorunu əldə edib.