Qlobal bazarda Redmi Buds 6 Active naqilsiz qulaqlığı təqdim edilib

     Xiaomi-nin Redmi brendi qlobal bazarda öz yeni naqilsiz qulaqlığını təqdim edib. Söhbət, Redmi Buds 6 Active-dən gedir. Bu yeni naqilsiz qulaqlıq yarım şəffaf şarj keysinə sahibdir və o, bazarda 4 gövdə rəngində satışa çıxacaq. Qara, mavi, çəhrayı və ağ. Beləliklə Redmi Buds 6 Active qulaqlıqları 14.2 mm-lik audio drayverə sahibdirlər. Onların gövdələri IPX4 standartı üzrə sudan qorunurlar. Qulaqlıqların cihazlara qoşulmaları prosesi isə Bluetooth 5.4 üzərindən reallaşdırılır.

    Qulaqlıqlarda ətraf səs-küyün ənənəvi boğulması funksiyası olmasa da, onlarda telefon zəngləri zamanı ətraf səs-küyün boğulması imkanı reallaşdırılıb. Bununla yanaşı Redmi Buds 6 Active, Android cihazlara sürətli qoşulmanı təmin edən Google Fast Pair texnologiyasını dəstəkləyir. Redmi Buds 6 Active bir dəfə şarj olunandan sonra şarj keysi ilə birlikdə 30 saat çalışa bilir. Redmi-nin bu yeni naqilsiz qulaqlığının nə zaman və hansı qiymətə satışa çıxacağı hələ açıqlanmayıb.