Real zaman ərzində tərcümə funksiyasına sahib Honor EarBuds Open naqilsiz qulaqlığı təqdim edilib

     Honor şirkəti qlobal bazarda yeni naqilsiz qulaqlığını təqdim edib. Şirkətin yeni naqilsiz qulaqlığı Honor EarBuds Open adlanır. Bu yeni naqilsiz qulaqlığın əsas fərqləndirici tərəfi ondadır ki, o, real zaman ərzində tərcümə funksiyasını özündə birləşdirir. Qulaqlıqlardan hər biri 16 mm-lik multimaqnit audio drayver ilə təchiz olunub. Titan materialdan hazırlanmış örtüyə sahib səsgücləndiricilər yüksək səs tezliklərini təmin edirlər. Qulaqlıqların gövdələrinin C hərfi formasında olan hissələri nikel-titan ərintisindən hazırlanıb.

     Qulaqlıqlar həcmli səslənmə özəlliyini dəstəkləyirlər. Honor EarBuds Open ətraf səs-küyün aktiv boğulması mövzusunda hibrid sistemi əldə edib və bu sistem 3 mikrofondan təşkil edilib. Hibrid sistem musiqi dinləmə zamanı kənar səsləri effektiv şəkildə boğur, telefon danışıqları zamanı isə səsin təmiz şəkildə ötürülməsini təmin edir. Xəbərin əvvəlində də qeyd edildiyi kimi Honor EarBuds Open-in əsas fərqləndirici özəlliyi onun real zaman ərzində tərcümə funksiyasına sahib olmasıdır.

     Nəticədə Honor EarBuds Open-in sahibi başqa dildə danışan şəxs ilə ünsiyyət qurmaq istədikdə həmin şəxsin nitqini tərcümə edilmiş versiyada eşidəcək. Məlumata əsasən tərcümə prosesi saniyələr ərzində baş verir. Qulaqlıqlar bir dəfə şarj olunandan sonra 6 saat ərzində çalışa bilirlər. Şarj keysi sayəsində bu göstərici 22 saat təşkil edir. Bununla yanaşı Honor EarBuds Open-də sürətli şarj texnologiyasının dəstəyi də reallaşdırılıb. Nəticədə qulaqlıqlar 15 dəqiqə ərzində şarj olunduqdan sonra 2 saat çalışa bilirlər. Honor EarBuds Open-in hansı qiymətə satılacağı hələ açıqlanmayıb.

Bənzər xəbərlər

Cihazlar+

Honor Play 9T Pro smartfonu təqdim edilib - QİYMƏTİ

Honor şirkəti keçən il büdcəli Honor Play 9T smartfonunu təqdim etmişdi. İndi isə şirkət onun Pro versiyasını təqdim edib. Yeni smartfon xarici görünüşcə keçən ilki Honor Play 9T-dən cüzi fərqlənir.

Cihazlar+

Honor Magic 7 Lite smartfonu təqdim edilib - QİYMƏTİ

Honor şirkəti keçən ilin oktyabr ayında Honor Magic 7 smartfon seriyasını təqdim etmişdi. İlk öncə bu seriyaya Honor Magic 7 və Magic 7 Pro modelləri daxil oldular. Keçən ayın sonunda isə şirkət Honor Magic 7 RSR Porsche Design premium modelini təqdim etdi. Lakin bu, Honor Magic 7 seriyasına daxil olan son model olmadı. Belə ki, şirkət indi də Honor Magic 7 Lite modelini təqdim edib.

Cihazlar+

Honor gələn il Honot GT Pro smartfonunu təqdim edə bilər

Honor şirkəti 16 dekabr tarixində Çində Honor GT adlı yeni smartfonunu təqdim etdi. Digital Chat Station ləqəbli məşhur insayderin vermiş olduğu məlumata əsasən indi isə Honor şirkəti onun Pro versiyasını hazırlayır.

Cihazlar+

Honor Magic 7 RSR Porsche Design smartfonu təqdim edilib - QİYMƏTİ

Honor şirkəti Honor Magic 7 smartfon seriyasının növbəti modelini təqdim edib. Söhbət, Honor Magic 7 RSR Porsche Design adlı premium smartfondan gedir. Adından da bəlli olduğu kimi bu smartfonun dizaynı Porsche Design komandası ilə birgə əməkdaşlıq çərçivəsində ərsəyə gətirilib.

Cihazlar+

Honor Magic 7 Lite smartfonu təqdimata hazırlaşır

Honor şirkəti oktyabr ayında Honor Magic 7 və Magic 7 Pro smartfonlarını təqdim etmişdi. İndi isə şirkət bu smartfon seriyasına daxil olacaq daha bir smartfonun təqdimatına hazırlaşır. Söhbət, Honor Magic 7 Lite modelindən gedir.