Redmi brendi subflaqman Snapdragon prosessorlu gaming planşetini təqdim etməyə hazırlaşır
Digital Chat Station ləqəbli məşhur insayderin vermiş olduğu məlumata əsasən Xiaomi-nin Redmi brendi Snapdragon 8 seriyasına daxil olan flaqman prosessor vasitəsilə çalışacaq kompakt ölçülü gaming planşetini təqdim etməyə hazırlaşır. İnsayder planşetin adını açıqlamayıb. Lakin ITHome saytının sözlərinə əsasən söhbət, Redmi-nin Snapdragon 8s Gen 3 prosessoru vasitəsilə çalışacaq yeni planşetindən gedir.
Hələ bir neçə müddət bundan öncə məlumat ortaya çıxmışdı ki, Redmi brendi Snapdragon 8s Gen 3 prosessoruna sahib yeni planşet üzərində çalışır. Ola bilsin ki, Digital Chat Station ləqəbli insayderin söz açdığı planşet də məhz budur. Redmi brendi may ayında Snapdragon 7s Gen 2 prosessoru vasitəsilə çalışan Redmi Pad Pro planşetini təqdim etmişdi. Bu planşet hal-hazırda Redmi-nin ən güclü planşetidir. Hazırlanan yeni planşetin isə nə zaman təqdim olunacağı bilinmir.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
