REDMI brendi yüksək performanslı gaming smartfonu üzərində çalışır

     Son məlumat sızıntılarına əsasən REDMI brendi yüksək performanslı bir neçə yeni smartfon üzərində çalışır. Aprel ayında təqdim olunması gözlənilən REDMI Turbo 4 Pro modeli ilə yanaşı, şirkət REDMI K seriyasına aid yeni bir gaming smartfonunu da hazırlayır. Digital Chat Station ləqəbli məşhur insayder bu cihazın əsas xüsusiyyətləri ilə bağlı bəzi detallar paylaşıb. REDMI K seriyasına aid bu sirli smartfon şirkət daxili sınaq mərhələsindədir və inkişaf etdirilmiş soyutma sistemi ilə təchiz edilib. Bu sistemə RGB işıqlandırmaya malik daxili pər də daxildir. Bu da cihazın gaming üçün nəzərdə tutulduğunu göstərir.

     Çünki istilik idarəetməsi oyunlarda stabil performans üçün həlledici amillərdən biridir. Bu smartfonun əsasını hələ təqdim edilməmiş Snapdragon 8s Elite prosessoru təşkil edə bilər. Sözügedən prosessorun aprel ayında rəsmi olaraq təqdim olunacağı gözlənilir. Cihazın əsas xüsusiyyətlərindən biri onun böyük həcmli batareyası olacaq. Belə ki, smartfonun batareya həcminin 7000 mAh-dan böyük olacağı gözlənilir. Bu modelin REDMI K80 seriyasına aid olması ehtimal edilir, lakin rəsmi adı və dəqiq buraxılış tarixi hələ açıqlanmayıb. Çox güman ki, REDMI brendinin bu gaming smartfonu 2025-ci ilin birinci və ya ikinci rübündə təqdim ediləcək.

Mənbə: Gizmochina

Bənzər xəbərlər

Cihazlar+

Xiaomi 15 Ultra-nın təqdimatı rəsmi şəkildə anons edilib

Təqdim edilmiş rəsmi fotolar vasitəsilə Xiaomi 15 Ultra-nın dizaynını qiymətləndirmək olar.

Cihazlar+

Məşhur insayder REDMI K80 Ultra barəsində yeni məlumatlar verib

REDMI brendi yeni flaqman modeli K80 Ultra üzərində çalışır və əvvəlki məlumatlara görə, bu cihaz 6500 mAh enerji tutumlu batareya ilə təchiz ediləcəkdi.

Cihazlar+

Statistika: Alıcıların çoxu premium smartfonlara üstünlük verməyə başlayıb

2024-cü ildə dünya üzrə satılmış smartfonların təxminən 25%-i 600$ və daha yüksək orta topdan satış qiymətinə malik olub. Counterpoint Research-ün yeni məlumatları göstərir ki, premium cihazlara tələbat artır və getdikcə daha çox insan bahalı smartfonlar almağa üstünlük verir.

Nəqliyyat

Xiaomi YU7 820 km yürüş məsafəsini təmin edə biləcək

Xiaomi YU7 elektrik krossoverinin ilk xüsusiyyətləri Çinin tənzimləyici orqanının bazasında qeyd edildikdə, avtomobilin ölçüləri, çəkisi, maksimal sürəti və güc qurğusunun performansı haqqında məlumatlar mövcud idi.

Proqram Təminatı

DeepSeek-in süni zəka modeli Xiaomi HyperOS-ə inteqrasiya ediləcək

Xiaomi şirkəti DeepSeek AI modelini HyperOS sisteminə inteqrasiya etməyə hazırlaşır. Bu da istifadəçilərə yeni imkanlar təqdim edəcək.