main-post-cover

    Redmi brendindən yeni büdcəli Redmi 9 smartfonu - QİYMƏTİ

    Cihazlar+
    11.06.2020
    Emil Nəcəfov
        Heç bir təqdimat tədbiri keçirtmədən Xiaomi şirkəti Redmi 9 adlı büdcəli smartfon modelini satışa çxartdı. Sözügedən smartfon şirkətin bir sıra Avropa regionları üçün olan saytlarında satışdadır. Beləliklə yeni Redmi 9-un özəllikləri arasında MediaTek prosessoru, dördlü arxa kamera, böyük həcmli batareya və kontaktsız ödənişlər üçün nəzərdə tutulmuş NFC modul var. Redmi 9 smartfonu 2340x1080 piksel keyfiyyətli 6.53 düym IPS ekrana sahibdir. Ekranın özü isə Gorilla Glass 3 qoruyucu şüşəsi ilə əhatə olunub və onun yuxarı mərkəz hissəsində damcı formalı çıxıntı yerləşdirilib.
        Əsas texniki göstəricilərə gəldikdə isə Redmi 9 modeli 8 nüvəli MediaTek Helio G80 prosessoru, Mali-G52 MC2 qrafik çipi, 3/4 GB RAM, 32/64 GB daxili yaddaş həcmi, 13 MP (f/2.2 diafraqma) + 8 MP (f/2.2 diafraqma, 118 dərəcə bucaq təsviri) + 5 MP (makroobyektiv) + 2 MP (f/2.4 diafraqma) dördlü arxa kamera, 8 MP-lik ön kamera və 18 vatt gücündə sürətli şarj texnologiyalı 5020 mAh enerji tutumlu batareya ilə təchiz olunub.
        Şirkətin verdiyi məlumata əsasən bu cür batareya həcmi sayəsində Redmi 9 modeli 185 saat musiqi dinləmə rejimində, 31 saat telefon danışığı rejimində və 19 saat video izləmə rejimində çalışa bilir. Smartfon həmçinin USB Type-C girişinə və 3.5 mm-lik audiogirişə sahibdir. İspaniyada 3 GB RAM və 32 GB daxili yaddaşa sahib model 149 avroya, 4 GB RAM və 64 GB daxili yaddaşa sahib model isə 179 avroya satılır.
    Linki kopyala