Samsung Galaxy S24 smartfonları hansı gücdə sürətli şarj texnologiyasını əldə edəcəklər?

    Samsung Galaxy S24 smartfon seriyası barəsində məlumatlar internetdə ortaya çıxmağa davam edirlər. Bu dəfə bu seriyanın smartfonları Çinin 3C adlı sertifikatlaşdırma agentliyinin məlumatlar bazasında ortaya çıxıblar. Bunun sayəsində Galaxy S24 smartfonlarının hansı gücdə sürətli şarj texnologiyasını dəstəkləyəcəkləri məlum olub.

    Beləliklə sertifikatlaşdırma agentliyinin məlumatlar bazasına əsasən Galaxy S24 smartfonları Galaxy S23 modellərinin dəstəklədikləri sürətli şarj texnologiyasını əldə edəcəklər. Yəni Galaxy S24 modeli 25 vatt, Galaxy S24+ və Galaxy S24 Ultra isə 45 vatt gücündə sürətli şarj texnologiyasının dəstəyinə sahib olacaqlar. Batareya həcmlərinə gəldikdə isə smartfonlar 4000-5000 mAh enerji tutumlu batareyaları əldə edəcəklər. Qeyd etmək lazımdır ki, Galaxy S24 smartfon seriyasının təqdimatı gələn ilin əvvəlində baş tutmalıdır.