Samsung Galaxy S26 Ultra prototipi ekranaltı ön kameraya sahibdir
Cihazlar+
04.02.2025
Emil
Samsung Galaxy S25 Ultra hələ mağazaların rəflərində görünməsə də, artıq şirkətin Galaxy S26 Ultra-nın prototipini test etməyə başladığı barədə məlumatlar yayılıb. Bu model Samsung-un ilk görünməz ön kameraya sahib smartfonu ola bilər. Belə ki, ön kamera sözügedən smartfonda ekranın alt hissəsinə yerləşdirilə bilər. X platformasında insayderlərdən birinin vermiş olduğu məlumata görə, Galaxy S26 Ultra prototipi ekranaltı ön kamera texnologiyası ilə təchiz edilib.
Bu texnologiya smartfonun heç bir çıxıntı olmadan tam ekranı əldə etməyə imkan verir. Buna baxmayaraq, bu texnologiyanın perspektivli olmasına rəğmən, görüntü keyfiyyəti ilə bağlı problemlərlə üzləşə biləcəyi bildirilir. Samsung artıq oxşar texnologiyanı qatlana bilən Galaxy Z Fold 6 flaqman smartfonunda istifadə edir. Bu smartfonda daxili ekranın alt hissəsində 4 MP-lik kamera yerləşdirilib. Buna baxmayaraq, şəkil keyfiyyəti hələ də əsas amil olaraq qalır və mövcud texnologiya həmişə yüksək keyfiyyətli görüntülər təqdim etmir.
Maraqlıdır ki, Apple da bu texnologiyanı test edib, lakin eyni problemlərə görə onu cihazlarına inteqrasiya etməyib. Bununla yanaşı, Samsung-un ehtimal ki, Galaxy S26 Ultra-nın adi bir prototipi də mövcuddur və bu versiya daha az texnoloji çətinliklərə görə kütləvi istehsal üçün seçilə bilər. Galaxy S26 Ultra barədə yayılan məlumatlar maraq doğursa da, onlara ehtiyatla yanaşmaq lazımdır. Çünki bu hələ erkən prototip mərhələsidir və rəsmi buraxılışa qədər çox şey dəyişə bilər.
Mənbə: Wccftech
Paylaş
Ən çox oxunanlar
Səudiyyə Ərəbistanının "The Line" layihəsi regiondakı iqlimi dəyişə bilər
