Təqdimata sayılı günlər qalmış Redmi Note 14 Pro+ smartfonu barəsində rəsmi məlumatlar verilib
Xiaomi-nin Redmi brendi Redmi Note 14 smartfon seriyasını 26 sentyabr tarixində təqdim edəcək. Bu seriyaya daxil olacaq modellərdən biri də Redmi Note 14 Pro+ olacaq. Təqdimata sayılı günlər qalmış brend Redmi Note 14 Pro+ modeli barəsində bəzi rəsmi məlumatları təqdim edib. Beləliklə Redmi tərəfindən təqdim edilmiş posterlərdən birinə əsasən Redmi Note 14 Pro+ smartfonu 90 vatt gücündə sürətli şarj texnologiyalı 6200 mAh enerji tutumlu batareya ilə təchiz olunacaq. Müqayisə üçün qeyd etmək lazımdır ki, keçən ilki Redmi Note 13 Pro+ modeli 120 vatt gücündə sürətli şarj texnologiyalı 5000 mAh enerji tutumlu batareya ilə təchiz olunur. Digər bir posterdə isə qeyd edilib ki, yeni smartfon Snapdragon 7s Gen 3 prosessoru vasitəsilə çalışacaq. Bununla yanaşı smartfonun ekranı Gorilla Glass Victus 2 qoruyucu şüşəsi ilə əhatə olunacaq və onun gövdəsi IP69 standartı üzrə sudan qorunacaq.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
