
Xiaomi Civi 4-ün nə zaman satışa çıxacağı açıqlanıb
Xiaomi şirkətinin hazırladığı yeni smartfonlardan biri də Xiaomi Civi 4-dür. Şirkət sözügedən smartfonu yaxın aylar ərzində təqdim etməlidir. İndi isə insayderlər Xiaomi Civi 4-ün nə zaman satışa çıxacağını açıqlayıblar. Beləliklə onların sözlərinə əsasən Xiaomi Civi 4 smartfonu may ayında satışa çıxacaq. Qeyd etmək lazımdır ki, keçən il Xiaomi Civi 3 smartfonu da may ayında satışa çıxmışdı. Son məlumat sızıntılarına əsasən Xiaomi Civi 4 smartfonu MediaTek Dimensity 8300 Ultra və ya Qualcomm Snapdragon 7 Gen 3 prosessoru ilə təchiz olunacaq. Bununla yanaşı smartfonun kənarları əyilmiş dizaynda reallaşdırılmış ekranı əldə edəcəyi gözlənilir.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
Ən çox oxunanlar