OnePlus şirkəti Barselonada özünün ilk 5G smartfon modelini sərgiləyib (MWC 2019)

OnePlus şirkəti Barselonada özünün ilk 5G smartfon modelini sərgiləyib (MWC 2019)

MWC 2019
27.02.2019 0 PAYLAŞIM

    

Hal hazırda Barselonada keçirilən MWC 2019 sərgisində OnePlus şirkəti tam hazır şəkildə özünün heç bir smartfon modelini təqdim etməsə də ilk 5G smartfon modelinin prototipini sərgiləyib. Şirkətin ilk 5G dəstəkli smartfon modelinin təqdimatı bağlı qapılar arxasında keçirilib. Lakin sözügedən smartfon şirkətin stendində xüsusi şüşə panelin daxilində yerləşdirilib. Təəssüflər olsun ki, xüsusi şüşə panelə görə smartfonu detallı şəkildə incələmək mümkün olmayıb. Stenddə quraşdırılmış prototipin ekranında 5G şəbəkəsi vasitəsilə bulud texnologiyası üzərindən oynanılan mobil oyun əks olunurdu.


    Qeyd etmək lazımdır ki, smartfonun ekranı uzadılmış formada hazırlanıb. Çox güman ki, ekran 21:9 nisbətindədir. Bundan əlavə olaraq fotolardan da görmək olar ki, çox güman ki, smartfon ekranında çıxıntı hissə olmayacaq. Buna görə də ön kameranın harada yerləşəcəyi barəsində heç bir təsəvvür yoxdur. Lakin artıq məlumdur ki, OnePlus şirkətinin ilk 5G şəbəkə dəstəkli smartfonu Snapdragon 855 prosessoru və Snapdragon X50 5G modemi ilə təchiz olunacaq. Smartfonun tam təqdimat tədbiri isə bu ilin may ayında İngiltərənin EE adlı mobil operatorunun iştirakı ilə baş tutacaq. Gözləntilərə əsasən smartfon 800-850$ qiymətində satılacaq.

Qeyd edək ki, MWC 2019 yayımlarımızın sponsoru Kontakt Home mağazalar şəbəkəsidir.


SİZƏ MARAQLI OLACAQ BİR NEÇƏ MƏLUMAT


Huawei Mate 20 Pro MWC 2019 sərgisinin ən yaxşı smartfonu seçildi

Hər il Barselonada keçirilən MWC (Mobile World Congress) sərgisinin təşkilatçısı olan GSMA şirkəti b..


Huawei P30 Pro smartfonu Barselonada bağlı qapılar arxasında sərgilənib (MWC 201..

Huawei şirkəti MWC 2019 sərgisinə özünün qatlana bilən smartfon modeli olan Mate X-dən əlavə olaraq ..


18000 mAh batareyalı əjdaha: Energizer Power Max P18K Pop smartfonu təqdim edili..

Energizer brendi altında smartfon istehsalı ilə məşğul olan Avenir Telecom şirkəti Barselonada keçir..


Microsoft şirkəti Barselonada HoloLens 2 artırılmış reallıq eynəyini təqdim edib..

Microsoft şirkəti MWC 2019 sərgisində HoloLens 2 artırılmş eynəyini təqdim edib.


Sony şirkəti tamamilə yeni Xperia 1-i və 3 ədəd digər Xperia smartfonunu təqdim ..

Heç gözlənilmədən şirkət maraqlı sürpriz etdi. Belə ki, Sony Xperia XZ4-ün yerinə Xperia 1 adlı smar..


Samsung şirkəti Barselonada Galaxy A30 ilə A50 smartfonlarını təqdim etdi (MWC 2..

Samsung şirkəti Galaxy S10 seriyası ilə qatlana bilən Galaxy Fold smartfon modellərindən başqa MWC 2..