Geely də BYD və Chery kimi öz avtopilot sistemini bütün avtomobillərinə inteqrasiya edəcək

     Geely özünün G-Pilot adlı avtonom idarəetmə sistemini təqdim edib. Bu sistem şirkətin bütün brendlərində, o cümlədən Galaxy, Zeekr və Lynk & Co modellərində əlçatan olacaq. Geely, BYD və Chery-dən sonra Çində bütün model sırasına avtomatlaşdırılmış idarəetmə sistemini tətbiq edəcəyini elan edən üçüncü avtomobil istehsalçısı oldu. G-Pilot 5 fərqli səviyyədə təqdim olunur və növbəti funksiyaları əhatə edir: Avtomatik parketmə, şosse və şəhər yollarında sürücüyə kömək və NOA (Navigation on Autopilot) - qapıdan-qapıya avtonom idarəetmə.

- G-Pilot H1

- G-Pilot H3

- G-Pilot H5

- G-Pilot H7

- G-Pilot H9.

     G-Pilot sisteminin fərqli versiyaları müxtəlif səviyyəli avtonom idarəetmə imkanları təqdim edir. Baza versiyası - şosse yollarında sürücüyə kömək və avtomatik parketmə funksiyalarını təklif edir. Bu versiya 10 kamera və 5 millimetrlik radarlarla təchiz edilib. H5 versiyası - 11 kamera, 3 radar və lidar ilə təchiz olunub. HD xəritələr olmadan şəhər daxilində avtonom idarəetməni dəstəkləyir. H9 versiyası - bir neçə lidar sensoru ilə təchiz olunub və tam avtopilot sisteminə yüksəldilə bilər. Bu versiya avtomobili müxtəlif yol şəraitlərində müstəqil idarə edə bilir. G-Pilot sistemini ilk alan model Geely Galaxy E8 elektrik sedanı olub. Bu avtomobilin başlanğıc qiyməti 149 800 yuan (20 600$) təşkil edir. Texniki xüsusiyyətlər:

- Baza versiya - 400-voltluq arxitektura, arxa ötürücülü sistem və 272 at gücünə sahib tək mühərrik

- Yüksək səviyyəli versiya - 800-voltluq sistem, tam ötürücülü idarəetmə və ümumilikdə 646 at gücünə sahib iki mühərrik.

- CLTC (Çin standartı) üzrə yürüş məsafəsi - 550-665 km.

Mənbə: Carnewschina

Bənzər xəbərlər

Nəqliyyat

BYD, Ford Motoru geridə qoyaraq dünyanın 6-cı ən böyük avtomobil istehsalçısı olub

1 il bundan öncə BYD şirkəti qlobal miqyasda Tesla-nı müəyyən müddətlik geridə qoyandan sonra bu iki şirkət arasındakı dünyanın ən böyük elektromobil istehsalçısı statusu uğrunda rəqabəti hamının diqqətini öz üzərinə çəkdi.

Elm & Texnologiya

Dünyanın ən sürətli şarj olan elektrikli avtomobil batareyası təqdim edilib!

Çin avtomobil sənayesi dünyanın ən sürətli şarj olan elektrikli avtomobil batareyasını təqdim edib. CATL və SAIC-GM-in birgə əməkdaşlığı ilə hazırlanmış bu batareya, 6C-lik effektiv şarj olma sürəti təklif edir.

Nəqliyyat

Elektrikli avtomobil satışları əhəmiyyətli dərəcədə artıb!

Elektrikli avtomobillərə tələbat azalsa da, iyul ayında dünya üzrə elektrikli avtomobil satışları 21% artıb. Ən böyük sıçrayış isə Çində baş verib.

Nəqliyyat

Geely Galaxy E5 adlı büdcəli elektrikli krossover təqdim edilib - QİYMƏTİ

Çinin Geely şirkəti Galaxy E5 adlı tamamilə elektrikli krossoveri təqdim edib. Bununla belə sözügedən elektrikli krossover büdcəlidir.