Tesla ikinci nəsil Roadster üzərində çalışmağa davam etdiyini xatırladıb

     Bu ayın ortalarında Tesla-nın rəhbəri Elon Musk şirkətin xüsusi dizayn mərkəzini yaxınlarda ziyarət etdiyini etiraf edib və ilin sonuna qədər bu, şirkət tarixində "ən möhtəşəm təqdimatın" keçirilməsinə imkan verəcək. Söhbət böyük ehtimalla hələ 2017-ci ildə təqdim edilmiş, lakin indiyə qədər istehsal xəttinə çıxmayan ikinci nəsil Roadster idman elektromobilindən gedə bilər. Məlumata görə, Tesla-nın elektromobil inkişafı üzrə rəhbəri Lars Moravy son çıxışında bildirib ki, son bir neçə il ərzində ikinci nəsil Roadster üzərində işlər dayandırılmayıb və elektromobilin texniki xüsusiyyətləri daim təkmilləşdirilib.

     Tesla rəhbərliyinin dərin inancına görə, yeni Roadster "sürücülər üçün sonuncu ən yaxşı elektromobil" olmalıdır. Görünən odur ki, gələcəkdə bazara artıq avtopilot hakim olacaq, buna görə də bu idman elektromobili Tesla-nın nəqliyyat vasitəsini müstəqil idarə etməkdən həqiqi zövq almağa imkan verən son təklifi olacaq. Şirkət nümayəndəsi Tesla Roadster-in təkmilləşdirilməsi prosesində əldə olunan irəliləyişi belə xarakterizə edib: “Bu, sadəcə elektromobildən bir qədər artıqdır”.

     Xatırladaq ki, vaxtilə Musk elektromobili sıxılmış hava ilə işləyən xüsusi reaktiv mühərriklərlə təchiz etməyi təklif etmişdi ki, bu da ona yer səthindən bir qədər qalxmağa imkan verəcəkdi. Tesla ikinci nəsil Roadster-in buraxılışını təxirə saldığı müddətdə, artıq bir çox Çin istehsalı idman avtomobilləri 100 km/s sürətə 2 saniyədən az vaxtda çata bilmək imkanına yiyələniblər. Bu səbəbdən Tesla-nın belə spesifik bazar seqmentində belə diqqət cəlb etməsi indiki şəraitdə asan olmayacaq. Görünür, şirkət cari ilin sonuna qədər ikinci nəsil Roadster-in seriya öncəsi versiyasının imkanlarını nümayiş etdirməyi planlaşdırır.