Yenilənmiş Tesla Model Y təqdim edilib - QİYMƏTİ

     Tesla şirkəti özünün Model Y elektromobilinin yenilənmiş versiyasını təqdim edib. Model Y-ın yenilənmiş versiyası Çin bazarı və Asiya-Sakit okeanı regionu üçün nəzərdə tutulub. Qeyd etmək lazımdır ki, birinci nəsil Model Y 2020-ci ildə satışa çıxmışdı. Yenilənmiş versiya dizayn və texniki imkanlar baxımından bəzi yenilikləri əldə edib. Yenilənmiş Model Y-ın əldə etmiş olduğu yeniliklər Tesla-nın digər elektromobillərindən götürülüb. Məsələn yenilənmiş Model Y-ın gövdəsinin ön hissəsi daha az qabarıqdır və onun faraları bütöv bamper üzrə nazik çıxıntı formasına sahibdirlər.

     Bu, bir növ Cybertruck-ın ön hissəsinin dizaynını xatırladır. Bununla yanaşı şirkət ənənəvi arxa faraları mono fara ilə əvəzləyib. Yenilənmiş Model Y-ın salonunda Model 3-dəki kimi zolaq formalı işıqlandırma mövcuddur və onun rəngini dəyişmək mümkündür. Arxa oturacaqlar hissəsinə isə əlavə sensorlu ekran quraşdırılıb. Salonun ön hissəsində dizayn Tesla-ya xas olan dizayndır. Yenilənmiş asma hesabına bu Model Y-da səyahət daha axıcı olub.

     Bununla yanaşı birinci nəsil Model Y ilə müqayisədə yenilənmiş Model Y daha yüngüldür. Onun ən ucuz versiyası bir dəfə şarj olunandan sonra 593 km yol qətt edə bilir. Model Y Long-Range AWD adlı versiyada isə bu göstərici 719 km təşkil edir. Bu iki modelin artıq mart ayında satışa çıxacağı gözlənilir. Adi versiya 35 900$-a, Model Y Long-Range AWD adlı versiya isə 41 400$-a satılacaq. Yenilənmiş Model Y-ın digər regionlarda satışa çıxıb-çıxmayacağı bilinmir.

Bənzər xəbərlər

Nəqliyyat

2024-cü ildə dünyanın ən böyük elektromobil istehsalçısı BYD olub

Tesla artıq dünyanın ən böyük elektromobil istehsalçısı deyil. 2024-cü ildə bu şirkət ümumilikdə 1 773 443 ədəd elektromobil istehsal edib. Lakin digər bir istehsalçı bu mövzuda Tesla-nı geridə qoymağı bacarıb.

Tech-Biznes

Elon Musk sərvəti 400 milyard dolları keçən ilk insan kimi adını tarixə yazdırıb!

Elon Musk 400 milyard dollarlıq sərvəti keçərək bunu bacaran ilk insan kimi tarixə düşüb. Bəs Musk bu rəqəmə necə nail olub?

Nəqliyyat

Sürücüsüz Tesla Cybercab-ın Model 3-ün sadəcə yarısı qədər parçaya sahib olduğu ortaya çıxıb!

Tesla-nın bir müddət əvvəl təqdim etdiyi tamamilə sürücüsüz elektrik avtomobili Cybercab ilə bağlı yeni detallar paylaşılıb. Verilən məlumatlara görə, Tesla Cybercab, Model 3-ün cəmi yarısı qədər parçaya sahibdir.

Nəqliyyat

Tesla-nın Model Q adlı yeni elektromobili barəsində məlumatlar ortaya çıxıb

Tesla rəsmisi bir neçə müddət bundan öncə şirkət investorları ilə görüş çərçivəsində Model Q adlı yeni elektromobil barəsində bəzi məlumatlar verib.

Nəqliyyat

Tesla Cybercab-ın salonu sərgilənib (VİDEO)

Tesla şirkəti oktyabr ayında Cybercab adlı pilotsuz taksini təqdim etdi. İndi isə Elon Musk özünün X (keçmiş Twitter) hesabında bu pilotsuz taksinin salonunu sərgiləyən videonu bölüşüb.