'Fantastic Beasts: The Crimes of Grindelwald' filminin ilk traileri

14.03.2018 0 PAYLAŞIM 268 OXUNMA

    Birinci filmin sonunda güclü və şər qüvvələrin tərəfdarı olan sehrbaz Gellert Grindelwald həbs olunmuşdu. Lakin öz sözünə əməl edərək o qaçmağı bacarmış və öz ətrafında özü kimi şər qüvvələrin tərəfdarı olan insanları yığmağa başlamışdır. Həmin insanlar isə Grindelwald-ın əsas məqsədindən xəbərsizdirlər. Onun əsas məqsədi isə planetdəki bütün sehrbazlar və sehrbaz olmayan varlıqlar üzərində ən üstünü olmaqdır. Bunu bilən Albus Dumbledore kömək üçün öz keçmiş tələbəsi olan Newt Scamander-ə müraciət edir.

    Newt isə onu gözləyən təhlükələrdən xəbərsiz Albus-a kömək etməyə razı olur. İki hissəyə ayrılan sehrli dünyada sevgi və sədaqətliyin dözümlülüyü yoxlanacaq, iki tərəf arasında olan konflikt isə dostlar və hətta ailə üzvlərini bir-birindən ayıracaq. Rejissoru David Yates olan filmdə baş rolları Eddie Redmayne, Jude Law, Johnny Depp, Ezra Miller, Dan Fogler, Katherine Waterston və digərləri canlandıracaqlar. Fantastic Beasts: The Crimes of Grindelwaldfilminin premyerası bu ilin Noyabr ayında baş tutacaq.