Süni zəka əsaslı Copilot for Gaming xidməti anons edilib

     Microsoft süni zəka əsaslı Copilot for Gaming xidmətini istifadəyə verməyə hazırlaşır. Bu sistem oyunların yüklənməsi və işə salınması zamanı köməkçi funksiyasını yerinə yetirəcək, həmçinin oyun prosesində oyunçuları müşayiət edəcək. İlk mərhələdə süni zəka əsaslı oyun təlimçisi Xbox-un mobil tətbiqi vasitəsilə əlçatan olacaq. Bu köməkçi ayrı bir ekranda göstərilən bələdçi və ya oyun yoldaşı rolunu oynayacaq. Microsoft Copilot for Gaming-i bir növ oyun assistenti kimi təqdim edir. Bu sistem oyunçulara məsləhətlər və təlimatlar təqdim edəcək, oyun dünyası haqqında faydalı məlumatlar verəcək. Microsoft-un oyun süni zəka üzrə məhsul meneceri Sonali Yadav mətbuat konfransı zamanı Copilot for Gaming-in bir neçə istifadə ssenarisini nümayiş etdirib.

     Copilot for Gaming-in bir neçə istifadə ssenarisi nümayiş etdirilib. Bunlardan biri "Overwatch 2" oyunçusuna kömək etmə prosesini göstərib. Süni zəka oyunçunun səhvlərini analiz edərək, komanda yoldaşları olmadan irəliləməyə çalışmasının uğursuz nəticələndiyini izah edib. "Overwatch 2"də süni zəka təlimçi oyunçulara komandaya ən uyğun qəhrəmanı seçməkdə kömək edir. Copilot hər bir personajın güclü və zəif tərəflərini bilir və ideal bacarıq kombinasiyalarını tövsiyə edə bilir. "Minecraft" oyununda Copilot oyunçulara obyektlər yaratmaq üçün lazım olan materiallar və reseptlər barədə məsləhətlər verir.

     Sistem oyunçunun ekranındakı məlumatları oxuyaraq real vaxt rejimində lazım olan ipuclarını təqdim edir. Hətta bəzi materialların harada tapılacağını göstərərək, təcrübəli bir “gamer kimi” məsləhətlər verir. Copilot for Gaming-in bu imkanları ilk buraxılışda əlçatan olmayacaq. Microsoft aprel ayında Xbox Insiders proqramı iştirakçıları vasitəsilə Xbox mobil tətbiqi üzərindən Copilot-un ilkin versiyalarını test etməyi planlaşdırır. Ekspertlər Copilot for Gaming layihəsinin nə dərəcədə real və effektiv olacağını qiymətləndirməkdə çətinlik çəkirlər, çünki aprel ayında testerlərə təqdim olunacaq funksiyaların dəqiq məzmunu hələ tam aydın deyil. Bununla belə, Microsoft-un süni zəkanı həyatın hər bir sahəsinə - kosmos və qabaqcıl texnologiyalardan tutmuş ailə psixologiyası və uşaq baxımına qədər inteqrasiya etdirmək istədiyi görünür.

Mənbə: The Verge

Bənzər xəbərlər

Cihazlar+

Microsoft-un portativ oyun konsolu barəsində yeni təfərrüatlar təqdim edilib

Windows Central portalının nüfuzlu jurnalisti Microsoft və ASUS-un hazırladığı portativ konsol - Project Kennan haqqında yeni eksklüziv detalları paylaşmağa davam edir.

Cihazlar+

Microsoft-un portativ oyun konsolu bu il satışa çıxa bilər

Microsoft aktiv şəkildə Xbox brendi altında ilk portativ konsolu üzərində çalışır.

Proqram Təminatı

Microsoft Copilotu-u video oyunlara inteqrasiya etməyə hazırlaşır

Analitiklər hesab edirlər ki, Microsoft süni zəka əsaslı Copilot platformasını kütləvi şəkildə video oyunlara inteqrasiya etməyə çalışır. Bu nəticə şirkətin hazırkı vakansiyalarına əsaslanaraq çıxarılıb.

Süni İntellekt

Microsoft məntiq yürüdə biləcək fərdi süni zəka sistemi üzərində çalışır

Microsoft, öz böyük dil modellərini yaradıb və proqram nəhənginin fikrincə, bu modellər sənaye liderlərinin, o cümlədən OpenAI-nin analoqları ilə rəqabət apara bilər. Bu barədə Bloomberg öz mənbələrinə istinadən məlumat verib.

Təhlükəsizlik

Hakerlər pirat saytlar vasitəsilə milyonlarla kompüteri virusla yoluxdurublar

Microsoft ötən ilin dekabr ayında aşkarlanmış və dünyada təxminən 1 milyon cihazı hədəfə almış zərərli reklam kampaniyası barədə xəbər verib.