Süni zəka əsaslı Grok çat-botu Telegram-a inteqrasiya edilib

     xAI şirkətinə məxsus süni zəka əsaslı Grok çat-botu artıq Telegram-a inteqrasiya edilib. Bu barədə sosial şəbəkə X-də onun sahibi Elon Musk məlumat verib. Lakin bu xidmətdən tam şəkildə istifadə hamı üçün mümkün deyil və o, X platformasındakı versiyadan fərqlənir. Telegram messencerində Grok ilə geniş funksiyalarla və pulsuz şəkildə söhbət etmək üçün Telegram Premium abunəliyi tələb olunur. Bununla belə, bu versiya X sosial şəbəkəsinə inteqrasiya olunmuş variantdan bir qədər fərqlənir - o, bəzən qeyri-dəqiq, reallığa uyğun olmayan və ya natamam cavablar verə bilər.

     Hal-hazırda mövcud olan son versiya - Grok 3 - fevral ayının ortalarında təqdim olundu. O, OpenAI GPT-4o və Google Gemini kimi aparıcı süni zəka sistemlərinə güclü rəqib kimi mövqeləndirilir. Grok-un bütün funksiyaları aylıq 50$ dəyərində olan X Premium+ abunəliyinə sahib istifadəçilər, həmçinin daha ucuz xüsusi abunə növü olan SuperGrok istifadəçiləri üçün əlçatandır. Grok-un Telegram-da istifadəyə verilməsi ilə bağlı ilk ipucu isə 19 mart tarixində messencerin yaradıcısı Pavel Durov tərəfindən verilmişdi.

     Xatırladaq ki, Grok digər çat-botlarla müqayisədə daha sarkastik, sərbəst və bəzən də azad ifadəli cavabları ilə seçilir. Onun tərtibatçıları Grok-u belə təsvir edirlər: “Grok - “The Hitchhiker’s Guide to the Galaxy” roman seriyası əsasında yaradılmış süni zəkadır. O, demək olar ki, bütün suallara cavab vermək və - bu daha çətindir - hansı sualların verilməli olduğunu belə demək üçün nəzərdə tutulub! Grok suallara hazırcavablıqla cavab vermək üçün yaradılıb və bir az üsyankar xarakterə malikdir, ona görə də əgər siz yumoru sevmirsinizsə, xahiş edirik, onu istifadə etməyin”.

Bənzər xəbərlər

Sosial Media

Telegram-ın aylıq aktiv istifadəçi kütləsi 1 milyardı keçib

2024-cü ilin aprel ayında Telegram-ın rəhbəri və sahibi Pavel Durov, 2025-ci ildə messencerin istifadəçi sayının 1 milyard nəfəri keçəcəyini proqnozlaşdırmışdı. İndi isə o öz kanalı olan Du Rove’s Channel-da ayda 1 milyard aktiv istifadəçi həddinin keçildiyini açıqlayıb.

Tech-Biznes

Grok videolar tərtib edə biləcək: xAI süni zəka əsasında video tərtibatı startapını alıb

Elon Musk-a məxsus olan xAI şirkəti, süni zəka əsaslı video generasiya alətləri üzərində işləyən Hotshot startapını alıb. Sövdələşmənin başa çatdığını Hotshot-un həmtəsisçisi və baş direktoru Aakash Sastry öz X sosial şəbəkə hesabında elan edib.

Tech-Biznes

Telegram-ın yaradıcısı Pavel Durov Fransanı tərk edib

Keçən həftənin şənbə səhəri Telegram-ın həmtəsisçisi Pavel Durov Fransanı tərk edərək Dubaya yollandı. Agence France-Presse (AFP) xəbər verib ki, o, məhkəmə nəzarəti altında olmasına baxmayaraq, Fransa hakimiyyətinin icazəsi ilə ölkədən çıxıb.

Sosial Media

Telegram-da ödənişli mesajlar və digər yeni funksiyalar istifadəyə verilib

Telegram messencerinin tərtibatçıları xidmətin inkişafını davam etdirərək yeni funksiyalar əlavə edirlər. Son yeniləmə ilə platformada ödənişli mesajlar dəstəklənməyə başlayıb. Bu xüsusiyyət sayəsində kontent yaradıcıları və ictimai şəxslər məxfiliyə daha çox nəzarət edə biləcək və populyarlıqlarını monetizasiya edə biləcəklər.

Sosial Media

Telegram-da ödənişli mesajlar istifadəyə veriləcək

İnsayderlər Telegram-ın gələcək funksiyalarından birini - ödənişli mesajları açıqlayıblar. Artıq bu funksiyanın harada və necə çalışacağı, habelə kimə gəlir gətirəcəyi barədə bəzi detallar məlum olub.