Apple istifadəçi məlumatlarının konfidensiallıqlarını yüksəltmək üçün nəzərdə tutulmuş 3 yeni funksiyanı təqdim edib. Birinci funksiya iMessage üçün əlavə autentifikasiya, ikinci funksiya Apple ID üçün fiziki avtorizasiya açarlarının inteqrasiyası, üçüncü funksiya isə iCloud-da end-to-end şifrələnməsi ilə bağlıdır. Apple daha öncə iMessage tətbiqinə end-to-end şifrələnməsini inteqrasiya etmişdi. Beləliklə iMessage istifadəçiləri öz çatlarındakı mesajların üçüncü tərəflər vasitəsilə izlənməməsinə əmin ola bilərlər. İndi isə messencer Contact Key Verification adlı yeni funksiyanı əldə edib. Bu funksiya messencerin təhlükəsizliyini daha üst səviyyəyə yüksəltmək üçün nəzərdə tutulub.

    Beləliklə Contact Key Verification funksiyası vasitəsilə istifadəçi həmsöhbət olduğu şəxsdən təsdiq açarını istəyə bilər. Təsdiq açarının təqdim edilməsindən sonra çatda hər iki istifadəçidə eyni kod ortaya çıxacaq. Həmin kod isə həmsöhbətdə olan şəxslərin əslində digər şəxslər olmadıqlarını təsdiq edəcək. Apple şirkəti Apple ID-yə iki faktorlu autentifikasiya sistemini hələ 2015-ci ildə inteqrasiya etmişdi. Şirkətin verdiyi məlumata əsasən hal hazırda istifadəçilərin 95% bu funksiyadan istifadə edir. Kənar fiziki təhlükəsizlik açarlarının dəstəyi isə bu funksiyanı daha da etibarlı edəcək. Yaxın zamanda Apple cihazlarının istifadəçiləri Apple ID üzərindən avtorizasiya üçün fiziki təhlükəsizlik açarlarından istifadə edə biləcəklər.

    Bu üsul Apple ID istifadəsi prosesini daha təhlükəsiz edəcək. Belə ki, yoxlanılmış şifrələrin oğurlanması yolunda müxtəlif üsullardan istifadə edən hackerlər fiziki təhlükəsizlik açarına sahib olmadan istifadəçilərin cihazlarındakı təhlükəsizlik sistemlərindən yan keçə bilməyəcəklər. Apple həmçinin Advanced Data Protection adlı proqramın işə salındığını elan edib. Sözügedən proqram çərçivəsində end-to-end şifrələnməsinin dəstəyini 23 növ məlumat kateqoriyası əldə edəcək. End-to-end şifrələnməsi həmçinin mesajların, cihazların, qeydlərin, fotoların, səsli qeydlərin və s. kimi məlumatların ehtiyat kopyalarına da inteqrasiya ediləcək.