Verilmiş məlumata əsasən Microsoft Mozilla şirkəti ilə müqavilə bağlamaq niyyətindədir. Tərəflər arasında bağlanması gözlənilən müqaviləyə əsasən Bing axtarış sistemi Firefox brauzerində standart axtarış sistemi rolunda çıxış edəcək. Müqavilə artıq gələn il bağlana bilər. Qeyd etmək lazımdır ki, Mozilla şirkəti Bing axtarış sistemini Firefox brauzerində standart axtarış sistemi kimi hələ 2021-ci ildə test etmişdi.

    Həmin vaxta kimi isə Firefox-da standart axtarış sistemi qismində Yahoo çıxış edirdi. Görünür, Mozilla bu üsul ilə öz brauzerinin statistik göstəricilərini yaxşılaşdırmaq istəyir. Belə ki, Google Chrome ilə müqayisədə Firefox-un istifadəçi kütləsi çox azdır. Lakin brauzerdə süni zəka əsaslı çat-bota sahib axtarış sisteminin istifadəyə verilməsi öz növbəsində brauzerin istifadəçilər arasında daha da məşhurlaşmasına təkan verə bilər.