Süni zəka əsaslı Bing Chat çat-botu Chrome brauzerinin Windows, Mac və Linux versiyalarında aktivləşdirilib. Beləliklə bundan sonra istifadəçilər Chrome brauzerinin sadalanmış versiyalarında Bing.com-a daxil olduqları zaman səhifənin yuxarı hissəsində əks olunan Bing Chat funksiyasından istifadə edə biləcəklər. Qeyd etmək lazımdır ki, daha öncə sözügedən çat-bot yalnız Microsoft Edge brauzerində aktiv idi. Microsoft-un bütün səylərinə baxmayaraq Edge brauzerinin bazardakı payı yüksəlmədi.

    Əgər əvvəllər şirkət öz məhsullarının rəqib şirkətlərin istifadəçilərində məhdudlaşdırılmış şəkildə istifadəsi strategiyası üzrə gedirdisə, indi bu vəziyyət dəyişib. Bing Chat-ın müəyyən müddət ərzində yalnız Edge brauzerində aktiv olmasından sonra ona Chrome brauzerinin dəstəyi də əlavə edilib. Şirkət həmçinin digər brauzerlərin də desktop və mobil versiyalarında Bing Chat-ın dəstəyini reallaşdıracaq. Lakin digər brauzerlərdə bunun nə zaman baş verəcəyi dəqiq bilinmir.