Bir neçə müddət bundan öncə isə məlumat yayıldı ki, WhatsApp-ın sahibi olan “Facebook” şirkəti messencerin bu funksiyasının test mərhələsini işə salıb və o, yaxın zamanda bütün istifadəçilərin 1%-ni əhatə edəcək. Pul köçürmələri sistemi Unified Payments Interface (UPI) interfeysi üzərində qurulub. Bu interfeys isə bank hesabları arasında pulsuz pul köçürmələrini reallaşdırmağa imkan verir. İlk mərhələdə messencer yalnız istifadəçilər arasındakı pul köçürmələrini dəstəkləyəcək. Lakin WhatsApp Business xüsusi versiyasının təqdim olunması ilə pul köçürmələri özəlliyi məhz bu yöndə inkişaf edə bilər. Perspektiv cəhətdən WhatsApp pul köçürmələri üçün hətta özünün ödəmə sistemini də yarada bilər. Belə ki, məhz bu cür ideya şirkətə real pul vəsaitləri gətirə bilər.