Twitter istifadəçiləri Elon Musk-ın sosial şəbəkənin CEO vəzifəsindən ayrılmasını istəyirlər

Twitter istifadəçiləri Elon Musk-ın sosial şəbəkənin CEO vəzifəsindən ayrılmasını istəyirlər

Startup və Biznes
19.12.2022 PAYLAŞIM

    Dünən Elon Musk Twitter-dəki hesabında bir mövzu ilə bağlı səsvermə keçirtdi. Belə ki, Musk sosial şəbəkənin CEO vəzifəsindən ayrılıb-ayrılmaması mövzusunda istifadəçilər arasında səsvermə keçirdib. Yekun nəticə bəlkə də Musk-ın heç də xoşuna gəlməyib. Musk Twitter-i oktyabr ayının sonunda 44 milyard dollara almışdı. Sözügedən sosial şəbəkəni alandan sonra o, Twitter-in CEO-su oldu və bununla belə ilk gündən başlayaraq sərt qərarlar qəbul etdi. Belə ki, ilk növbədə Musk Twitter işçilərinin böyük hissəsini işdən azad etdi. Bu, sosial şəbəkənin xərclərini aşağı salmaq üçün atılmış bir addım idi. Daha sonra o, ABŞ-ın keçmiş prezidenti Donald Trump-n istifadəçi hesabını bərpa etdi.


    Həmçinin Twitter-in yeni CEO-su vəzifəsinə keçid edəndən sonra o, sosial şəbəkənin keçmiş rəhbərliyini işdən azad etdi. Bununla yanaşı aylıq ödənişli Twitter Blue abunəliyinin qiymətini 8$-a qaldırdı. Bütün bu baş verənlərin fonunda sosial şəbəkənin böyük reklam verənləri Twitter-dəki reklam kampaniyalarını dayandırdılar. Onların arasında həmçinin Apple şirkəti də var idi. Lakin sonradan Apple Twitter-dəki reklam kampaniyasını bərpa etdi. Dünən isə Musk öz abunəçilərindən onun sosial şəbəkədən ayrılıb-ayrılmamasını soruşub.

    Beləliklə səsvermədə iştirak etmiş istifadəçilərin 57.5% Musk-ın CEO vəzifəsindən ayrılmasına, 42.5%-i isə ayrılmamasına səs verib. Musk isə növbəsində səsvermənin nəticələrinə nəzər yetirəcəyinə söz verib. Musk daha öncə də qeyd etmişdi ki, o, sosial şəbəkənin CEO vəzifəsindən ayrılmağı fikirləşir. Musk tərəfindən keçirilmiş səsvermə bəlkə də sadəcə bir şoudur. Heç istisna deyil ki, o, artıq CEO vəzifəsindən ayrılmaq qərarını verib və hətta bu vəzifəyə uyğun olan adamı da seçib. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Apple Google servislərini iOS-dən sıxışdırıb çıxartmaq niyyətindədir

Apple şirkəti öz mobil əməliyyat sistemini Google tərəfindən təqdim edilən funksiyalardan azad etmək..


Microsoft ChatGPT-nın yaradıcısı OpenAI şirkətinə milyardlarla dollar investisiy..

Microsoft rəsmi şəkildə elan edib ki, o, OpenAI şirkəti ilə uzunmüddətli əməkdaşlığını genişləndirir..


İrlandiya Meta şirkətini 400 milyon dollar dəyərində cərimələyib

İrlandiyanın məlumatların qorunması komissiyası Meta şirkətini 400 milyon dollar dəyərində cərimələy..


SpaceX şirkətinin bazar dəyəri 137 milyard dollara yüksəlib

Elon Musk-a məxsus olan SpaceX şirkəti özəl şirkət olaraq qalır. Buna görə də o öz maliyyə göstərici..


Elon Musk tarixdə 200 milyard dollar vəsait itirmiş ilk şəxs oldu

Elon Musk təəccübləndirməyə davam edir. 1 ildən bir qədər çox müddət bundan öncə Musk dünyanın ikinc..


Meta 2018-ci ildə baş vermiş Cambridge Analytica qalmaqalı səbəbilə 725 milyon d..

2018-ci ildə məlum olmuşdu ki, Meta şirkəti (həmin vaxtda şirkət adı Facebook) siyasi konsaltinq sah..

×