Bildiyiniz kimi, heç bir süni intellekt modeli son istifadəçiyə istifadəyə hazır və “tamamlanmış” formada təqdim edilmir. Bu mənada modellərin daim fərqli məzmunlarla qidalanması və öyrədilməsinə davam edilməsi lazımdır. Bu şəkildə onlar daha sabit olurlar. Bu gün ortaya çıxan xəbərlərə görə, Apple və digər şirkətlər, video yaradıcılarının icazəsi olmadan süni intellekt modellərini öyrətmək üçün YouTube videolarının məzmunundan istifadə ediblər.

     Bu yeni hesabata görə, üçüncü tərəf şirkəti (ehtimal ki, Apple ilə müqaviləsi olan EleutherAI adlı şirkət) 170 mindən çox videodan götürülmüş altyazılardan ibarət fayl yaradıb. Bu videolara uzun müddətdir texnoloji rəylər verən Marquees Brownlee (MKBHD) və gecə komediyaçıları Stephen Colbert və Cimmy Kimmel-in məzmunları daxildir. Apple kimi böyük şirkətlər EleutherAI tərəfindən yaradılan, görüntü ehtiva etməyən videoların düz mətn altyazılarından ibarət “YouTube Subtitles” adlı verilənlər bazasından da istifadə edirdilər. Bu dəstdə süni intellektin təlimini sürətləndirən yapon, alman və ərəb kimi dillərə tərcümələr də daxildir. Təbii ki, indiki mərhələdə görülən işlərin nə dərəcədə etik olması çox mübahisəli məsələdir. Bu məsələ ilə bağlı Avropa Birliyinə əvvəllər məruzə edilmiş bir neçə halda belə məzmunun süni intellektin hazırlanmasında istifadə oluna biləcəyi barədə qərarlar qəbul edilib.