Yaxşı bir dil təhlilinin dəyərini dərk edən İraqın Mərkəzi Texniki Universiteti və Cənubi Avstraliya Universitetinin tədqiqatçıları, müxtəlif işıqlandırma şəraitində çəkilmiş 5260 dil şəkli üzərində maşın öyrənmə sistemini öyrədiblər. Onlar həmçinin məşq üçün astma, şəkərli diabet və anemiya kimi bilinən sağlamlıq vəziyyəti yaxşı olmayan şəxslərin bir sıra şəkillərini də daxil ediblər. Daha sonra isə kameranı xəstənin dilindən 20 sm məsafədə yerləşdirərək sistemi sınaqdan keçirtmək üçün sistemdən diaqnoz yaratmağı xahiş ediblər. Testlər zamanı isə sistem, real vaxt rejimində 98% dəqiqliklə diaqnoz qoymağı bacarıb.

     Tədqiqata rəhbərlik edən professor Ali Al-Naji, dilin rənginin və formasının hansı xəstəliklərə işarə etdiyini belə izah edir: "Dilin rəngi, forması və qalınlığı bir sıra sağlamlıq problemlərini aşkar edə bilər. Tipik olaraq, diabetli insanlarda sarı bir dil var. Xərçəng xəstələri qalın yağlı örtüyə malik bənövşəyi dilə və kəskin insult keçirən xəstələr isə qeyri-adi qırmızı dilə sahib olurlar. Ağ rəngdəki bir dil anemiyanı göstərə bilər, ağır COVID-19 xəstələrinin dilinin isə tünd qırmızı rəngdə olma ehtimalı var. İndiqo və ya bənövşəyi dil, damar və mədə-bağırsaq problemlərini və ya astmanı göstərir."

     Harvard Health-in sözlərinə görə, sağlam bir dil simmetrik və az-çox açıq çəhrayı rəngdə olmalı, üzərində yüngül ağ örtük olmalıdır. Aralıq dənizi, Asiya və Afrika cəmiyyətlərində yaşayan sağlam bir insanın dili bir qədər bənövşəyi və ya qəhvəyi rəngə sahib ola bilər. Yeni tədqiqatlar göstərir ki, tezliklə süni intellektdən istifadə edərək, yalnız smartfon kamerası ilə dilinizin şəklini çəkərək asanlıqla diaqnoz qoymaq mümkün olacaq.