ABŞ hökuməti Google şirkətini "parçalaya" bilər

Tech-Biznes

09.10.2024

Emil

Avqust ayında ABŞ-ın federal hakimi Amit Mehta, Google şirkətinin monopolist olduğunu təyin etmişdi. Nəticədə ABŞ Ədliyyə Nazirliyi şirkətin qanunsuz davranışının aradan qaldırılmasına və həmçinin axtarış sistemləri bazarında rəqabətin bərpasına istiqamətlənmiş təklifləri formalaşdırmağa başladı. Bu mövzuda geniş tədbirlərin görülməsi mümkün ola bilər. Şirkətin bazardakı davranışına nəzarət üçün razılığın əldə edilməsindən tutmuş Chrome, Android və Google Play də daxil olmaqla şirkəti bəzi bizneslərinin satılmasına məcbur etməyə kimi.

Brauzer, mobil platforma və mobil tətbiqlər mağazası Google şirkətinin axtarış sistemləri bazarındakı dominant vəziyyətinin güclənməsinə şərait yaradan faktorlar hesab edilir. Tənzimləyici orqanların göstərdikləri əsas problem isə odur ki, Google öz axtarış sisteminin digər platformalarda standart axtarış sistemi kimi qalmasına görə həmin platformaların sahiblərinə müəyyən məbləğdə ödənişlər edir. Buna misal olaraq Apple şirkətini gətirmək olar.

Google axtarış sisteminin Apple şirkətinin müxtəlif platformalarında standart axtarış sistemi kimi qalması üçün Apple hər il Google-dan milyardlarla dollar vəsait əldə edir. “Rəqiblər öz məhsullarının yayılmaları üçün Apple kimi platformalardan istifadə edə bilmirlər. Belə ki, Google şirkətinin maliyyə ödənişləri proqramı onun partnyorlarını rəqiblərə təklif sorğusu göndərmək stimulundan məhrum edir” - deyə ABŞ Ədliyyə Nazirliyi qeyd edib. Google isə ənənəyə sadiq qalaraq Ədliyyə Nazirliyinin bu fikirləri və təklifləri ilə qəti şəkildə razı deyil.

Paylaş

google

Bənzər xəbərlər