Google-dan Chrome brauzerinin satılması tələb ediləcək
Tech-Biznes
19.11.2024
Emil Nəcəfov
ABŞ Ədliyyə Nazirliyi, Google şirkətinə qarşı qaldırılmış antimonopoliya məhkəmə ittihamının məhkəmə prosesini icra edən hakim Amit Mehta-ya sabah müraciət edəcək. Öz müraciətində nazirlik hakimdən şirkətin öz Chrome brauzerini satmasına istiqamətlənmiş qərarı verməsini tələb edəcək. Bu üsul ilə nazirlik şirkətin axtarış sistemləri bazarındakı monopoliyasını aradan qaldırmağa hədəflənib. Nazirlik həmçinin avqust ayında Google şirkətinin monopolist olduğuna qərar vermiş hakimdən şirkəti Android əməliyyat sistemini Google Search və Google Play də daxil olmaqla digər məhsullardan ayırmağa məcbur etməyi tələb edəcək.
Bundan əlavə olaraq Google-dan reklamçılarla daha çox məlumatın bölüşülməsi, onlara reklam elanlarının harda sərgilənməsinin idarəsi üzrə daha çox imkanların təqdim edilməsi və şirkətə axtarış sistemləri bazarındakı dominant mövqeyin əldə edilməsi imkanını vermiş eksklüziv müqavilələrin bağlanmasından imtina edilməsi tələb ediləcək. Məlumata əsasən eksklüziv müqavilələr səbəbilə Microsoft Bing və DuckDuckGo kimi digər axtarış platformaları bazardakı mövqelərini genişləndirə bilməyiblər.
Google axtarış sorğuları trafikinin 90%-nə, digər platformalar isə ümumilikdə 6%-nə sahibdirlər. Bloomberg-in vermiş olduğu məlumata əsasən dominant mövqe Google şirkətinin reklam biznesində vacib faktordur. Şirkət qeydiyyatdan keçmiş istifadəçilərin aktivliklərini izləyə və bu aktivliklər əsasında olan məlumatları reklam kampaniyalarının daha effektiv şəkildə istiqamətlənməsində istifadə edə bilir. Reklam kampaniyaları isə şirkət gəlirinin böyük hissəsini təşkil edir. Google üstəlik Chrome istifadəçilərini özünün Gemini adlı çat-botuna yönləndirir. Bu isə çat-botun daha çox məşhurlaşmasına imkan yaradır.
Linki kopyala
Bənzər xəbərlər
Oxşar xəbərlər
Google artıq Pixel Tablet 2 planşeti üzərində çalışır
Google artıq Pixel Tablet 2 planşeti üzərində çalışır
Google şirkəti keçən il Pixel Tablet adlı planşetini təqdim etmişdi. İndi isə şirkət onun davamçısı üzərində çalışır. Söhbət, Pixel Tablet 2-dən gedir.
Google-un süni intellekti Gemini bir istifadəçiyə ölüm mesajı göndərib!
Google-un süni intellekti Gemini bir istifadəçiyə ölüm mesajı göndərib!
Bir istifadəçi, yaşlandıqda qarşılaşacağı çətinliklər və həll yolları üçün Google-un süni intellekt köməkçisinə müraciət edib. Ancaq o, Gemini-dən gözləmədiyi bir cavabı alıb: Xahiş edirəm, öl!
Android-də elektron poçt spamlarından qorunma imkanı istifadəyə veriləcək
Android-də elektron poçt spamlarından qorunma imkanı istifadəyə veriləcək
Google servisləri paketində Android üçün nəzərdə tutulmuş yeni faydalı funksiyaya işarə edən kod sətrləri aşkar edilib.
Google kənar Android tətbiqlərin yüklənməsi prosesini daha təhlükəsiz edəcək
Google kənar Android tətbiqlərin yüklənməsi prosesini daha təhlükəsiz edəcək
Android əməliyyat sistemi istifadəçilərə Google Play-dən kənar olan mənbələrdən tətbiqləri yükləməyə imkan verir. Lakin bu halda istifadəçi Android-də olan təhlükəsizlik sistemini deaktiv etməlidir.
Android 16-nın istifadəyə veriləcəyi tarix açıqlanıb
Android 16-nın istifadəyə veriləcəyi tarix açıqlanıb
Bir neçə gün bundan öncə məlumat ortaya çıxdı ki, Google şirkəti Android 16-nı gələn il gözlənildiyindən daha tez istifadəyə verəcək.
Həftənin xəbərləri
