Meta işçiləri süni zəka səbəbilə bonuslardan məhrum olublar

     Meta, əməkdaşları üçün səhmlər şəklində verilən mükafat ödənişlərini azaldıb. Bu qeyri-məşhur addım şirkətin süni zəka sahəsinə rekord xərclərinin artdığı bir dövrə təsadüf edib - bu il bu xərclərin 10 milyardlarla dollar olacağı gözlənilir. Meta hər il əməkdaşlarına səhmlər (equity refreshers) şəklində mükafatlar verir. Bu, onların əsas maaşları və illik pul bonusları ilə yanaşı, ümumi gəlirlərinin əhəmiyyətli hissəsini təşkil edir. Bu il əksər işçilərə səhmlər şəklində ödənilən mükafatların təxminən 10% azaldılacağı bildirilib.

     Lakin bu faiz göstəricisi konkret əməkdaşın çalışdığı şöbə və vəzifəsindən asılı olaraq dəyişə bilər. Şirkət bu mükafatların məbləğini bazar tendensiyalarına uyğun tənzimləyir, lakin yerli bazarda ən yüksək səviyyədə saxlamağa çalışır. Meta-nın baş direktoru Mark Zuzkerberg rüb hesabatına həsr olunmuş brifinqdə bildirib ki, süni zəkaya yönəldilmiş uzunmüddətli investisiyalar artıq bu il öz bəhrəsini verməyə başlayacaq. Bu sahədə Meta, OpenAI və Microsoft kimi şirkətlərlə rəqabət aparır.

     Zuckerberg həmçinin qeyd edib ki, hazırda ABŞ prezidenti Donald Trump-ın administrasiyası ilə münasibətləri yaxşılaşdırmağa çalışır. Xatırladaq ki, Trump əvvəllər Meta-nı senzurada ittiham etmişdi. Bu ay Zuckerberg Ağ Evə səfər edərək Meta-nın ABŞ-ın qlobal texnoloji liderliyini dəstəkləmək üçün necə kömək edə biləcəyini müzakirə edib. Bundan əlavə, şirkət xərclərin optimallaşdırılması üçün ciddi kadr ixtisarları aparır. 2022 və 2023-cü illərdə Meta minlərlə əməkdaşını işdən çıxarıb. 2024-cü ilin fevralında isə şirkət daha 5% işçisini ixtisar edib. İşdən azad olunanlar əsasən aşağı iş göstəricilərinə malik əməkdaşlar olub. Meta 2026 və 2027-ci illərdə yüksək kadr dövriyyəsinə hazırlaşır.

Mənbə: Financial Times

Bənzər xəbərlər

Sosial Media

Facebook-da köhnə canlı yayım videoları silinəcək

Facebook 19 fevraldan etibarən istifadəçilərin canlı yayım qeydlərini 30 gündən sonra siləcək. Bu tarixdən sonra canlı yayım edən istifadəçilər videoları silinmədən əvvəl yükləməlidirlər.

Süni İntellekt

Meta geberativ süni zəka mövzusunda LlamaCon adlı konfransını keçirəcək

Meta şirkəti tərtibatçılar üçün generativ süni zəka mövzusunda ilk konfransını keçirməyə hazırlaşır. LlamaCon adlandırılan tədbir, Meta-nın Llama adlı generativ süni zəka modelləri ailəsinə həsr olunacaq və 29 aprel tarixində keçiriləcək.

Elm & Texnologiya

Meta süni zəka əsaslı robotlar üzərində çalışmağa başlayıb

Meta süni zəka əsasında insanabənzər robotlar hazırlamaq üçün yeni şöbəsini yaradır. Bu robotlar insanlara fiziki tapşırıqları yerinə yetirməkdə kömək edə biləcək.

Elm & Texnologiya

Meta dünyanın ən uzun sualtı internet kabelini quraşdıracaq

Meta şirkəti Project Waterworth adlı irimiqyaslı layihə üzərində işə başladığını rəsmi şəkildə elan edib. Bu layihə çərçivəsində 50 000 kilometr uzunluğunda sualtı kabel çəkiləcək.

Süni İntellekt

Böyük İT şirkətlər bu il süni zəkaya 300 milyard dollardan çox investisiya yatıracaqlar

ABŞ-ın aparıcı texnologiya şirkətləri bazar risklərinə baxmayaraq süni zəka sahəsinin inkişafına xərclərini artırmağa davam edirlər. Microsoft, Alphabet (Google şirkətinin sahibi), Amazon və Meta şirkətlərinin 2024-cü ildə kapital xərcləri ümumilikdə 246 milyard dollara çatıb, bu da 2023-cü illə müqayisədə 63% çoxdur.