Süni zəka sistemləri bazarının dövriyyəsi bir neçə ilə 1 trilyon dollara yüksələ bilər
Tech-Biznes
25.09.2024
Emil
Bain adlı investisiya şirkətinin nümayəndələri hesab edirlər ki, süni zəka sistemləri ilə əlaqəli olan proqram və aparat təminatı bazarı illik ortalama 40-55% böyüyəcək. Əgər keçən il bu bazarın iştirakçılarının dövriyyələri 185 milyard dolları keçmirdisə, 2027-ci ilə kimi onların dövriyyələri 780-990 milyard dollara yüksələcək. Süni zəka sistemlərinin inkişaflarına maraq təkcə korporativ bazarın iştirakçıları tərəfindən deyil, həmçinin dövlət strukturları tərəfindən də böyüyəcək. Süni zəka ilə bağlı yarımkeçirici məhsullara yüksək tələbat onların qıtlığına səbəb olacaq və bu vəziyyət təkcə kompüterləri deyil, həm də smartfonları əhatə edəcək.
Süni zəka sistemlərində istifadə üçün nəzərdə tutulmuş xüsusi çiplərə tələbat 2026-cı ildə 30% yüksələ bilər. İstehsalçılar bu cür tələbata hazır olmalıdırlar. Əgər indi məlumatların emalı üzrə böyük mərkəzin lazımi komponentlərlə təchiz olunması üçün 1-4 milyard dollar vəsait lazımdırsa, 5 ildən sonra bu cür layihəni reallaşdırmaq üçün 10-25 milyard dollar vəsait lazım olacaq. Bu cür mərkəzlərin sərf edəcəkləri elektrik enerjisi həcmi isə 50-200 meqavat-dan 1 giqavat-a yüksələ bilər. Bu öz növbəsində energetika sahəsinə və soyutma sistemlərinin istehsalçılarına təsir göstərəcək.
Paylaş
Bənzər xəbərlər
Süni İntellekt
Bill Gates, indiki ağıla sahib olsaydı, seçəcəyi peşənin nə ola biləcəyini açıqlayıb!
Microsoft-un qurucusu Bill Gates, süni intellekt texnologiyalarının artan əhəmiyyətinə diqqət çəkib. Məşhur iş adamı CNBC-e-yə verdiyi müsahibədə yeni bir işə başlasa, proqram təminatı sahəsinə deyil, süni intellektə əsaslanan təşəbbüsə diqqət yetirmək istəyə biləcəyini bildirib.
Süni İntellekt
Google, süni intellektin hansı peşənin sonunu gətirə bilməyəcəyini açıqlayıb!
Son zamanlar süni intellektin sürətli inkişafı ilə bir çox peşə qruplarında narahatlıqlar yaranmağa başlayıb. Xüsusilə proqramçılar süni intellektin onları əvəz edəcəyindən narahatdırlar. Lakin Google-un baş direktoru Sundar Pichai, bu narahatlıqlara çox fərqli prizmadan baxır.
Süni İntellekt
Bir istifadəçi, ChatGPT-ni kalkulyatorda işə salmağı bacarıb! (VİDEO)
Keçən şənbə günü “ChromaLock” adlı bir YouTube məzmun yaradıcısı, Texas Instruments-ın məşhur qrafik kalkulyatoru TI-84-ü internetə qoşaraq OpenAI-nin süni intellekt modeli ChatGPT-ni işə salmağı bacarıb.
Süni İntellekt
iPhone 16 ilə bağlı bütün sualları cavablandıran söhbət botu yaradılıb!
The Wall Street Journal-ın məşhur texnologiya yazıçısı Joanna Stern, çox maraqlı iPhone 16 icmalını dərc edib. Stern, istifadəçilərin telefonlarla bağlı bütün suallarına cavab verən çatbot yaradıb.
Süni İntellekt
OpenAI şirkətinin o1 adlı yeni süni zəka modeli məqsədə çatmaq üçün yalan məlumatı təqdim edə bilir
Apollo adlı şirkətin aparmış olduğu araşdırmaya əsasən OpenAI şirkətinin o1 adlı yeni süni zəka modeli qeyri-adi davranış sərgiləyir. Söhbət, yalnış məlumatın tərtib edilməsindən və qaydalara əməl edilməsinin simulyasiyasından gedir.
Ən çox oxunanlar
ChatGPT-nin məşhur foto tərtibatı funksiyası hamı üçün istifadəyə verilib
