10 yaşlı oğlan Face ID vasitəsilə iPhone X-i rahatlıqla aktiv etdi (VİDEO)
Elm & Texnologiya
15.11.2017
Farid Pardashunas
Məlum olub ki, Face ID texnologiyasını aldadıb iPhone X-i blockdan çıxarmaq üçün xüsusi texniki bacarıqlara sahib olmağa ehtiyac yoxdur.
Sadəcə olaraq üz cizgilərinin hələ
tam formalaşmamış 13 yaşından aşağı uşağın olması kifayətdir. “Apple” şirkətinin
Face ID ilə bağlı texniki sənədində qeyd olunub ki, iPhone X-də qeydiyyatdan
keçmiş istifadəçi üzündən başqa ona oxşar üz milyonda bir ehtimalda iPhone X-i
blockdan çıxara bilər. Əkiz insanlar və bir-birinə çox bənzəyən şəxslər
istisnadırlar.
“Həmin məsələ 13 yaşına kimi olan insanlara da aiddir. Belə ki, onların üz cizgiləri Face ID texnologiyası ilə çalışmaq üçün hələ tam olaraq formalaşmayıb. Əgər bu sizdə qorxu yaradırsa, onda sizə adi şifrələmə üsulundan istifadəni məsləhət görürük” – deyə şirkət iPhone X-in təqdimatında bildirmişdi.
Beləliklə 10 yaşılı Ammar Malik adlı oğlan uşağı öz anasının
iPhone X smartfonuna yaxından baxmaq istəyib və bu zaman sözügedən hadisə
yaşanıb. Bu barədə Wired saytı xəbər verib. Məlum olub ki, o öz anasının smartfonunu
Face ID vasitəsilə rahatlıqla blockdan çıxara bilir. O hətta öz atasının
smartfonunu da beləcə aktivləşdirib. Buna baxmayaraq Ammar Malik-in üzü daha
kiçikdir və o daha çox atasına bənzəyir nəinki anasına.
“İlk baxışdan bu əyləncəli göründü. Lakin sonradan heç də gülməli hal almadı. Mən həyat yoldaşımla bir-birimizə elə şeylər yazırıq ki, oğlumun həmin ismarıcları oxumasını ikimiz də istəmərik. İndi isə biz həmin ismarıcları pozmalıyıq ki, Ammar onları oxumasın” – deyə uşağın atası öz müsahibəsində qeyd edib.
Beləliklə məlum olub
ki, bəzi uşaqlar öz valideynlərinin smartfonlarına rahatlıqla yol tapa bilərlər.
Siz hər ehtimala qarşı iPhone X-i övladınızdan gizlətsəniz daha yaxşı olacaq.
Linki kopyala
Bənzər xəbərlər
Oxşar xəbərlər
Həftənin xəbərləri
YouTube öz yeni dizaynını test etməyə başlayıb
Telegram-ın yaradıcısı Pavel Durov geniş müsahibə verib (VİDEO)