Dünyanın ən hündür binası olan Dubaydakı Burj Khalifa-nın dizayneri Skidmore, Owings & Merrill (SOM), müxtəlif xüsusiyyətlərə sahib daha hündür bir tikilinin mümkün olub-olmadığını araşdırmaq üçün Energy Vault ilə güclərini bir araya gətirib. İki şirkət, 1 kilometr hündürlüyündə və eyni zamanda nəhəng cazibə qüvvəsi batareyası kimi fəaliyyət göstərən bir göydələn tikməyi planlaşdırır.

     Təklifdə diqqətəlayiq 2 fikir yer alır. Bunlardan birincisi, Gravitricity və IISA kimi təşkilatların araşdırmalarını xatırladır və günəş enerjisi kimi bərpa olunan mənbələrdən və ya standart elektrik şəbəkəsindən artıq enerji istifadə edərək çox hündür bir göydələnin zirvəsinə çəki qaldıracaq. Elektrik enerjisi tələb olunduqda, ağırlığın sərbəst buraxılması və elektrik enerjisi istehsal etmək üçün generatorun işə salınması planlaşdırılır. Hündür binalar EVu adlanan GESS (qravitasiya enerjisinin saxlanması sistemi) ilə batareya kimi xidmət edə bilər, burada enerji 300 metrdən 1000 metrə qədər uzunluqdakı içi oyulmuş struktura malik qüllələr vasitəsilə saxlanılır. EVu cazibə sisteminə əlavə olaraq, komanda EVc adlanan sistemi də təklif edir. EVc, EVu sisteminə oxşar məntiqlə işləyir, lakin böyük beton bloklar əvəzinə sudan istifadə edir. Göydələnin zirvəsinə vurulan və su anbarında saxlanılan su elektrik enerjisi lazım olduqda aşağı buraxılır və turbinlər vasitəsilə elektrik enerjisi istehsal etmək üçün istifadə olunur. Bu sistem artıq bu gün nasoslu su elektrik stansiyalarında istifadə olunur.

     Hər iki ideya yaxşı səslənsə də, praktiki həyata keçirməkdə müəyyən çətinliklər var. Bu ağırlıqları dəstəkləmək üçün əlavə tikinti xərcləri, sistemin səmərəliliyi və nəzarət kimi məsələlərə əlavə olaraq, bəlkə də ən vacib problem, sistemin tutacağı əraziyə görə, ofis və yaşayış yerləri olan bir göydələnin tikintisinin iqtisadi cəhətdən problemli olmasıdır. Bununla belə, ideyanın arxasında Burj Khalifa-nın dizayneri dayandığından və Energy Vault kimi şirkət cazibə qüvvəsi batareyaları üzrə ixtisaslaşmış olduğundan, onu həyata keçirmək mümkün ola bilər.