Bir neçə gün bundan öncə məlumat ortaya çıxmışdı ki, Apple şirkəti 14 düym ekrana sahib yeni iPad Pro üzərində çalışır. İnsayderlərin verdikləri yeni məlumata əsasən 14 düym ölçülü ekran yeni iPad Pro-nun tək fərqləndirici özəlliyi olmayacaq. Belə ki, sözügedən iPad Pro modeli Apple M seriyasına daxil olan prosessorlardan birini əldə edəcək. Verilmiş məlumata əsasən 14 düym ekrana sahib olacaq yeni iPad Pro modeli Apple M3 Pro prosessoru ilə təchiz olunacaq. Qeyd etmək lazımdır ki, şirkətin növbəti flaqman MacBook modelləri də bu prosessoru əldə edəcəklər. 14 düym ekrana sahib yeni iPad Pro-nun dəqiq şəkildə nə zaman təqdim olunacağı bilinmir.