Onun fikrincə bitcoin azad rəqəmsal valyuta ideyasından bahalı aktiv ideyasına keçib. Bu barədə Business Insider saytı xəbər verib. Erik ilk dəfə öz bitcoinlərini 13 yaşında olarkən 12$ qiymətinə alıb. 15 yaşında o, məktəb təhsilini dayandıraraq sahibkar olmaq qərarına gəlib. Keçən il isə o öz valideynləri ilə bağlamış olduğu maraqlı mərcdə qalib gəlib. Həmin mərcin şərtlərinə əsasən əgər onun sərvəti 1 milyon dollara çatsaydı o, kollecə getməyəcəkdi.

Keçən il bitcoinin qiymətinin qalxması hesabına onun sərvəti artıq 4 milyon dollar təşkil etdi. Erik öz investisiyalarını müxtəlif kriptovalyutalar arasında paylaşdırdı və həmçinin konservativ təqaüd hesabı da əldə etdi. Onun indiki məqsədi isə bitcoinin problemlərindən azad olacaq yeni kriptovalyuta yaratmaqdır. Bunun üçün o, dünyanı gəzərək digər bitcoin milyonerləri ilə görüşlər keçirir və yeni valyuta üçün konsorsium yaratmaq üzrə onları bir araya yığır.

Onun fikrincə hal-hazırki klassik kriptovalyutalar yaxın zamanda yeni kriptovalyutalar ilə əvəz olunacaq. Belə ki, klassik kriptovalyutalar artıq öz nüfuzlarını itiriblər. İdeyanın məğzi məzənnənin qeyri stabil dıəyişikliklərindən azad olacağı, komissiyaların yüksək olmayacağı, tranzaksiyaların sürətlə keçiriləcəyi və mayning prosesinin daha ekoloji alternativ ilə əvəz olunacağı yeni kriptovalyuta yaratmaqdadır. Lakin Erik bu problemlərin necə həll olunacağı barəsində planlarını açıqlamır. Bütün bu problemlərin isə blockchain texnologiyasının məhdudlaşdırılmış sistemindən irəli gəldiyi düşünülür.