Reklam
2035-ci ildən Avropa Birliyi regionunda daxili yanma mühərrikinə sahib avtomobillərin satışları qadağan ediləcək

2035-ci ildən Avropa Birliyi regionunda daxili yanma mühərrikinə sahib avtomobillərin satışları qadağan ediləcək

Texnologiya
29.06.2022 PAYLAŞIM

    Bu gün Avropa Komissiyasının saytında təqdim edilmiş press-relizə əsasən Avropa Birliyi üzvləri daxili yanma mühərrikinə sahib yüngül avtomobillər ilə kommersiya furqonlarının satışlarının 2035-ci ildən başlayaraq qadağan edilməsi qərarını qəbul ediblər. Bu məsələdə həmçinin aralıq zaman da təyin edilib. Belə ki, 2030-cu ilə kimi yüngül avtomobillərin karbon tullantıları 55%, yüngül kommersiya furqonlarının karbon tullantıları isə 50% azalmalıdır. Hələ bir neçə müddət bundan öncə bir sıra Avropa ölkəsi daxili yanma mühərrikinə sahib yeni avtomobillərin satışlarının qadağan edilməsi üzrə təklif edilmiş zaman aralığına qarşı çıxmışdı. Əsasən Rumıniya, İtaliya, Slovakiya, Bolqarıstan və Portuqaliya yeni qanun layihəsinin müəlliflərini 2035-ci ilə kimi karbon tullantılarının 90% aşağı salınmasına çağırırdılar.

    Belə ki, sadalanmış ölkələr daxili yanma mühərrikinə sahib yüngül avtomobillərin satışlarından yalnız 2040-cı ilə kimi imtina etməyə hazır idilər. Avropa Komissiyasının yekun bəyanatında hansısa istisnalar barəsində məlumat verilməyib. Lakin qeyd edilib ki, Avropa Birliyi regionunda Social Climate Fund adlı xüsusi fond yaradılacaq və onun büdcəsi 59 milyard avro təşkil edəcək. Sözügedən fond öz vəsaitlərini 2027-ci ildən 2032-ci ilə kimi ekoloji məqsədlərə nail olmaq mövzusunda geridə qalan təmsilçilərin dəstəklənməsinə sərf ediləcək. Fondun vəsaitləri təkcə avtomobil sahəsinin istehsalçılarına deyil, həmçinin iqtisadiyyatın müxtəlif sektorlarının təmsilçilərinə də xərclənəcək. Avropanın əsas məqsədi bu onilliyin sonuna kimi ümumi karbon tullantılarını 55% aşağı salmaqdır.


    Bu əsrin sonuna kimi isə iqlim səviyyəsində karbon neytrallığının əldə edilmsəi planlaşdırılır. Avropa hakimiyyəti regionun iqtisadiyyatına təkcə həvəsləndirici tədbirlər vasitəsilə təsir göstərmək niyyətində deyil. Belə ki, ekologiyaya zərər verən yanacaq növlərinə əlavə vergi tətbiq ediləcək. Bundan əlavə olaraq hökumətlər nəqliyyat vasitələrini alternativ yanacaq növləri ilə təmin edəcək yanacaqdoldurma stansiyalarının inşasına müxtəlif subsidiyalar tətbiq edəcəklər. Qeyd etmək lazımdır ki, hətta iqtisadi cəhətdən güclü olan Almaniya da daxili yanma mühərrikinə sahib avtomobillərin satışlarına 2035-ci ildən qadağa qoyulmasına qarşı narazılığını bildirmişdi. Belə ki, bu, ölkə iqtisadiyyatının qəliz dəyişimini tələb edir. 

Qeyd: Şərhlərdə nalayiq ifadələr işlətmək, reklam xarakterli mətn paylaşmaq qadağandır.

Şərh yoxdur

Şərh yazmaq üçün daxil olun


DAHA ÇOX


Samsung Galaxy Watch 5 smart saatları və naqilsiz Buds 2 Pro qulaqlıqları təqdim..

Samsung şirkəti qatlana bilən yeni smartfonları (Galaxy Z Fold 4 və Galaxy Z Flip 4) ilə yanaşı həmç..


Qatlana bilən smartfon, naqilsiz qulaqlıqlar və planşet: Xiaomi 11 avqustda təqd..

Xiaomi şirkəti 3 yeni məhsulunun tizer materiallarını təqdim edib.


Məşhur analitik Apple şirkətinin qarışıq reallıq cihazı haqqında yeni məlumatlar..

Analitikin sözlərinə əsasən şirkət il ərzində 1.5 milyon ədəd qarışıq reallıq cihazını satışa çıxart..


Apple M2 və M2 Pro prosessorlu Mac mini üzərində çalışır

Bloomberg saytının jurnalisti Mark Gurman Apple şirkətinin yeni Mac mini kompüteri barəsində məlumat..


Nothing şirkəti yeni məhsullarına işarə edən video təqdim edib (VİDEO)

Nothing şirkəti öz Youtube kanalında “What’s after Phone (1)?” adlı video təqdim edib.


Tesla Optimus robotunun əllərinin əks olunduğu tizer foto təqdim edilib

Tesla AI Day Part 2 tədbirinin keçirilməsinə az müddət qalmış şirkət insana bənzər Tesla Optimus adl..

×