50 dollarlıq saxta iPhone SE-ni necə fərqləndirmək olar?
Elm & Texnologiya
07.05.2017
Farid
Günümüzdə bir çox insan saxta telefonlara
aldanır. İstənilən telefonun saxta versiyasına bazarda rast gəlmək olar. Bəzən
cihazlar arasında fərq o qədər hiss olunmur ki, saxta ilə originalı
fərqləndirmək mümkün olmur. Bu dəfə ən yeni modellərdən biri olan iPhone SE
telefonunu klonladılar...
Saxta telefonlar
original telefonlardan qiymətinə görə çox ucuz olur. Hətta 10 dəfə ucuz qiymətə
belə ala bilərsiniz. Bu yaxınlarda EverythingApplePro kanalı tərəfindən
iPhone SE modelinin klonu ilə originalı arasında bir qarşılaşdırılma edildi.
Telefonlar ilk baxışdan bir birindən qəti fərqlənmir və belə demək mümkündürsə,
bir çox insan çox asan şəkildə aldana bilər.
Dizayn
Videoda izlədiyimiz
qədərilə iki telefon arasında dizaynda heç bir fərq yoxdur. Xarici görünüşü
olduqca aldadıcı olan saxta iPhone SE modelində Apple logosundan tutumuş xarici
detallara qədər hər şey eynidir. İkisi arasında xarici görünüşə görə heç bir
fərq olmayan telefonları bir birindən ayırmaq mümkün deyil.
Əməliyyat sistemi və proseslər
Amma cihazlar arasında
fərq onların əməliyyat sistemi ilə üzə çıxır. Belə ki, telefonları ilk dəfə
açdıqda saxta telefonu çox asanlıqla fərqləndirmək mümkün olur. Original iPhone
ekranları çox keyfiyyətli olur və rəng korreksiyasını çox ideal aparır. Amma
saxta telefonda rəng korreksiyası çox keyfiyyətsiz olur və solğun ekran cihazın
saxta olduğunu sübut edir. Açıldıqdan sonra telefonda olan sistemin iOS
olmadığını həmin an görmək mümkündür. Proqramların siyahısı, sistem proqramları
original telefondakı kimi deyil. Hətta proqram endirmək üçün App Store`dan belə
istifadə etmək mümkün deyil. Original sistem olmadığı üçün market işlərmir.
Korpus detalları
Korpus detalları
Saxta iPhone SEhəqiqətən originalından xarici görünüşünə
görə fərqlənmir. Amma burada da keyfiyyət öz sözünü deyir. Videonun sonlarından
gördüyümüz kimi, telefonun detalları tökülməyə başlayır. Cihazda barmaq sensoru
işləmir. Üzərindəki qoruyucu örtüyü çıxardıqda isə üz qapağı sökülməyə
başlayır.
Telefon alarkən onun
bütün detallarına diqqət yetirin. Kamerasını yoxlayın, yaddaşının həcminə
baxın. Əməliyyat sistemindən əmin olun. Ekranın keyfiyyətinə nəzər yetirin,
rəngsiz, solğun ekranlı telefonlar saxta ola bilər. Telefon almamışdan qabaq
internetdən onun xüsusiyyətləri ilə maraqlanın. Belə olduqda telefon alarkən
sizə lazım olan bütün detallara diqqət yetirə biləcəksiniz.
Paylaş
Bənzər xəbərlər
